10 qańtar kúni Qazaqstannyń áýe keńistiginde eki jolaýshy ushaǵy qaýipsizdik talaptarynda belgilengen araqashyqty saqtamai, bir-birimen soqtyǵysa jazdady. Bul týraly QR Kólik ministrliginiń kóliktegi oqiǵalar men intsidentterdi tergeý departamenti málimdedi, dep habarlaidy Dalanews.kz.
Oqiǵa saǵat 05:42 shamasynda Shymkent aimaqtyq dispetcherlik ortalyǵynyń jaýapkershilik aimaǵynda bolǵan. Sol sátte bir áýe sektorynda bir mezette eki áýe kemesi bolǵan. Olar Boeing 737-800 - Pobeda áýe kompaniiasynyń PBD997 reisi (Vnýkovo – Samarqand baǵyty) jáne Airbus A320 - Uzbekistan Airways áýe kompaniiasynyń UZB9609 reisi (Termez – Máskeý baǵyty).
Resmi málimetke sáikes, jaǵdai tergeýge jatatyn aýyr aviatsiialyq oqiǵa retinde baǵalanǵan.
Atalǵan derek boiynsha arnaiy komissiia qurylady. Ol intsidenttiń sebepterin, sonyń ishinde áýe qozǵalysyn basqarý barysynda jiberilýi múmkin qatelikterdi nemese ekipaj áreketterin anyqtaýy tiis.
