Qazaqstanda atom elektr stantsiiasyn (AES) salý qandai qarajat esebinen qarjylandyrylady? Bul suraqqa Ulttyq ekonomika vitse-ministri Arman Qasenov jaýap berdi, dep habarlaidy Dalanews.kz.
Vitse-ministrdiń aitýynsha, AES qurylysy kez kelgen basqa kommertsiialyq jobamen birdei júzege asyrylady.
“Aldymen jetkizýshi anyqtalady, sodan keiin joba qurylymy jasalady. Jobanyń ózi, qoldanylatyn tehnologiialar men quny naqtylanady. Qazirgi ýaqytta bul máseleler ashyq qalyp otyr, óitkeni túpkilikti sheshim áli qabyldanǵan joq. Qashan belgili bolady, sol kezde qarjylandyrýdyń qai kózden bólinetinin naqty aita alamyz”, – dedi Qasenov.
Onyń aitýynsha, sheteldik jabdyqtar qoldanylǵan jaǵdaida, eksporttyq-nesielik agenttikter arqyly qarjylandyrý múmkindigi qarastyrylady.
“Mysaly, siz Qytaidan jabdyq satyp alsańyz, ony qarjylandyratyn Qytaidyń “Eksimbanki” bar. Germaniiada mundai agenttik – “Germes”, al AQSh-ta – “Eksimbank”. Olar áleýetti qarjylandyrý kózderi bola alady. Sonymen qatar, halyqaralyq damý institýttary da qarjylandyrýdy qamtamasyz ete alady,” – dedi vitse-ministr.
Qasenovtyń aitýynsha, energetika salasyndaǵy jobalar investorlar úshin dástúrli túrde tartymdy jáne táýekeli tómen bolyp sanalady.
“Jalpy, álemde elektr energetikasy men turǵyn úi-kommýnaldyq sharýashylyq salasyndaǵy jobalar tómen táýekeldi bolyp esepteledi. Sondyqtan bul jobaǵa qarjy tartýda eshqandai kúmán joq, ári qarjylandyrý tiimdi sharttarmen júzege asyrylady,” – dep túiindedi vitse-ministr.
