Ulttyq ekonomika vitse-ministri Arman Qasenov Qazaqstandaǵy AES qurylysyn qarjylandyrýǵa qatysty suraqqa jaýap berdi, - dep habarlaidy Dalanews.kz Massaget.kz-ke siltep.
Onyń aitýynsha, qurylys bólip tóleýge de júzege asyrylyýy múmkin.
"Qazir kim, qandai elder salatyny týraly sheshim qabyldanǵan joq. Tiisinshe, qalai qarjylandyrylatyny týraly túsinik joq. Men AES qurylysyn qarjylandyrýdyń bir nusqasy - ony bólip tóleý ekenin bilemin.
Ony salatyn kompaniia tólemdi keiinge shegere alady. Tiisinshe, qarjylandyrý úshin qarajat qajet bolmaýy múmkin. Biraq qazir muny naqty aita almaimyz, óitkeni tipti kim salatyny týraly túsinik joq", - dedi Qasenov Senatta ótken brifingte.
Eske salaiyq, 6 qazanda Qazaqstanda AES salýǵa qatysty refrendým ótken bolatyn. AES salýdy daýys bergenderdiń 71,12 paiyzy qoldady. Referendýmǵa daýys berý tizimine 12,3 millionǵa jýyq qazaqstandyq engizilgen.
Referendýmǵa 30 shet memleket pen tórt halyqaralyq uiymnyń (Táýelsiz Memleketter Dostastyǵy, Shanhai yntymaqtastyq uiymy, Túrki memleketteri uiymy, Aziiadaǵy ózara is-qimyl jáne senim sharalary jónindegi keńes) atynan 177 baiqaýshy qatysty.
Daýys berý barysyn 14 memlekettiń ortalyq sailaý organdarynyń ókilderi, sonyń ishinde Ázirbaijan, Belarýs, Tájikstan jáne Ózbekstan ortalyq sailaý organdarynyń tóraǵalary da baqylap otyrdy.
Qazaqstan Respýblikasynyń Syrtqy ister ministrligi 37 elden 200 sheteldik jýrnalisterdi akkredittedi, olar da respýblikalyq referendýmdy baqylap,aqparat taratty.
