Shara «MENİŃ TİLİM – ULY DALA RÝHY» HHI qalalyq til festivali aiasynda uiymdastyrylady, dep habarlaidy elorda ákimdiginiń resmi saity.
Nur-Sultan qalasy ákimdiginiń Tilderdi damytý jáne arhiv isi basqarmasy men «Rýhaniiat» kommýnaldyq memlekettik mekemesi ótkizetin baiqaý jas urpaqtyń boiyna ulttyq-rýhani jáne qazaq tiliniń qundylyqtaryn dáriptei otyryp, qazaqsha oilaýǵa, jazýǵa yqpal etýdi, til tazalyǵy men mádenietin saqtap, latyn álipbiin tez meńgerýge yqpal etýdi kózdeidi.
Shara barysynda túrli mekemeler men uiymdardan quralǵan toptar ózara saiysqa túsedi.
Baiqaý 5 kezeńnen turady: maqal-mátel qurastyrý; beinerolikti dybystaý; latynsha mátindi jyldam oqý; qazaq terminderi men aýdarmasy; intellektýaldyq suraqtar.
