«Qazaqmys» korporatsiiasy jumyskerlerge áleýmettik qoldaý kórsetý baǵdarlamasyn iske asyrýdy jalǵastyrýda. Qyzmetkerlerdi turǵyn úimen qamtamasyz etý onyń negizgi baǵyttarynyń biri bolyp qala berýde, dep habarlaidy dalanews.kz.
2026 jyldyń naýryz aiynda baǵdarlama aiasynda áleýmettik osal sanattaǵy 13 jumyskerge páter kilti tabystaldy. Qazirgi ýaqytta taǵy 16 qyzmetker turǵyn úidi menshikke alý úshin qujattaryn rásimdeýde. Olardyń 7-eýi Jezqazǵan, 9-y Balqash qalasynyń turǵyndary.
Baǵdarlamaǵa qatysýshylardyń qatarynda balalaryn jalǵyz tárbielep otyrǵan qyzmetkerler, sondai-aq kóp jyldyq eńbek ótili bar jumyskerler bar. Kompaniiada turǵyn úi máselesin sheshý áleýmettik turaqtylyqty qamtamasyz etýdiń jáne jumyskerlerdiń otbasyn qoldaýdyń mańyzdy faktory ekeni aityldy.
Baǵdarlama qyzmettik turǵyn úidi jeńildetilgen shartpen satyp alýǵa múmkindik beredi. Qyzmetkerler ózderi turyp jatqan páterdi bes jylǵa deiingi merzimge bólip tóleý arqyly satyp ala alady. Satyp alý quny turǵyn úidiń naryqtyq qunynyń 10%-ynan bastalady.
«Kazakhmys Smelting» JShS Jezqazǵan mys balqytý zaýytynyń jumyskeri Igor Porabkovich korporatsiiada 34 jyl boiy eńbek etip keledi. Ol 20 jyldan astam ýaqyt otbasymen qyzmettik páterde turǵan, al biyl jeńildetilgen shartpen baspana satyp alý múmkindigin paidalandy.
«Biz 2006 jyldan beri turyp kele jatqan qyzmettik páterdi jeńildetilgen baǵamen satyp alyp jatyrmyz. Bul – men úshin jáne otbasym úshin kompaniia tarapynan kórsetilgen úlken qoldaý. Jumyskerlerge turaqtylyq syilap, kómek kórsetip jatqan «Qazaqmys» korporatsiiasyna shyn júrekten alǵys bildiremin», – dedi Igor Porabkovich.
Baǵdarlamaǵa qatysýshylardyń qatarynda korporatsiiada 20 jyl eńbek etip kele jatqan Sairagúl Mádeshova da bar.
«Men ulymdy jalǵyz tárbieledim, bul ońai bolǵan joq. Kóp jyl buryn «Qazaqmys» korporatsiiasy maǵan páterdi jalǵa berý arqyly úlken qoldaý kórsetken edi. Al endi baspanany naryqtyq qunynyń nebary 10%-ymen eki jylǵa bólip tóleý arqyly satyp alý múmkindigi bar degen jańalyq meni qatty tolqytty. Qoldaý kórsetip, turaqtylyq pen erteńgi kúnge senim syilaǵany úshin korporatsiiaǵa shyn júrekten alǵys aitamyn», – dedi Sairagúl Mádeshova.
Turǵyn úi baǵdarlamasyn damytý jumyskerlerdiń ómir súrý sapasyn jaqsartýǵa jáne eńbek ujymyn qoldaýǵa baǵyttalǵan Qazaqmystyń áleýmettik saiasatynyń mańyzdy bóligi bolyp qala beredi.
