«Qazaqmys» korporatsiiasynda biylǵy jyl Qaýipsizdik jyly bolyp jariialandy. Osyǵan bailanysty óndiristik qaýipsizdik talabyn kúsheitý jáne taý-ken jumysyn sapaly uiymdastyrý máseleleri turaqty baqylaýǵa alyndy, dep habarlaidy dalanews.kz.
Basqarma tóraǵasynyń óndiris jónindegi orynbasary Saiat Bakirov óndiriske jaýapty tulǵalarmen birge Jomart kenishiniń shahtasyna túsip, ken óndirý ýchaskelerindegi jumys barysymen tanysty.
Qaýipsizdik talabynyń saqtalýyna erekshe nazar aýdaryldy. Tekserý barysynda kenjarlarda qaýipsizdikti qamtamasyz etý jumysy, shahtanyń jeldetý júiesi, sondai-aq gaztaldaǵyshtarmen jumys isteý úderisi baqylaýǵa alyndy. Anyqtalǵan kemshilikter boiynsha naqty tapsyrma berilip, qaýipsizdik talabyn qatań saqtaý mindeti qoiyldy.
Qazirgi ýaqytta jeldetý uńǵymasyn burǵylaý jumysy tolyq aiaqtalyp, iske qosý sharalary atqarylýda. Jerdiń betine arnaiy jeldetkish qondyrǵylar ornatylǵan. Aldaǵy ýaqytta 600 metr tereńdikke deiin taza aýa jetkizý josparlanyp otyr.
Sonymen qatar kenish aýmaǵynda qosymsha jeldetý uńǵymalaryn burǵylaý jumysy jalǵasýda. Jumys sapary barysynda ken óndirý salasyndaǵy kúrdeli máselelerdi sheshýdiń tiimdi joly qarastyrylyp, geomehanika mamandarynyń qatysýymen bolashaǵy bar jobalar talqylandy. Shahtaprohodkalaý tresiniń mamandarymen jáne kenish basshylyǵymen birlesip, bolashaqta shahtadaǵy ken qoryn ashý jospary saralandy.
