«Qazaqmys korporatsiiasy» JShS qurylymyna kiretin Jezqazǵan mys balqytý zaýytyndaǵy mys elektrolizi tsehynyń katod ýchaskesinde zamanaýi jeldetý júiesin ornatý jobasy júzege asyrylýda. Bastama óndiristik qaýipsizdik deńgeiin arttyrýǵa jáne qyzmetkerlerdiń eńbek jaǵdaiyn jaqsartýǵa baǵyttalǵan, dep habarlaidy dalanews.kz.
Ýchaskede elektroliz úderisi táýlik boiy toqtaýsyz júrgiziledi. Óndiris barysynda jumys aimaǵynda tehnologiialyq shań túziledi. Sondai-aq tsehtyń ystyq óndiris sanatyna jatatynyn eskersek, munda tiimdi aýa almasý júiesiniń bolýy asa mańyzdy.
Joba aiasynda 50-den astam zamanaýi jeldetkish ornatý qarastyrylǵan. Jabdyq lastanǵan ári qyzǵan aýany shyǵaryp, shań mólsherin azaitady, sondai-aq ǵimarat ishindegi aýa almasýdy jaqsartady.
Jeldetkishterdiń bir bóligi tereze oiyǵyna jaqyn jerge ornalastyrylǵan. Bul jumys aimaǵyna salqyn aýanyń kelýin qamtamasyz etip, turaqty mikroklimat qalyptastyrýǵa múmkindik beredi.
Joba 2026 jyldyń basynda bastaý aldy. Qazirgi tańda jabdyqty montajdaý jumysy aiaqtalýǵa jaqyn.
Kelesi kezeńde tsehtyń jalpy jeldetý júiesin jańǵyrtý kózdelgen. Bul aýa almasý tiimdiligin odan ári arttyrýǵa múmkindik beredi.
Jobany júzege asyrý «Qazaqmys» korporatsiiasynyń óndiristik úderisti jańǵyrtý, qaýipsizdik deńgeiin arttyrý jáne eńbek jaǵdaiyn jaqsartý baǵytyndaǵy júieli jumysynyń bir bóligi.
