«Qazaqmys» kompaniialar toby 2025 jyldyń 19 naýryzynda Ulytaý oblysynda ornalasqan Shyǵys-Jezqazǵan kenishinde jazataiym oqiǵa oryn alǵany týraly málimdedi, dep habarlaidy Dalanews.kz.
№57 shahtada taýarlyq-materialdyq qundylyqtardy túsirý kezinde 1994 jylǵy jumysshy júk oqpany alańyndaǵy sańylaýǵa qulap ketken. Alǵan jaraqattarynyń saldarynan jumysshy oqiǵa ornynda kóz jumdy.
Oqiǵanyń mán-jaiy men sebebi anyqtalýda, jazataiym oqiǵany tergeý boiynsha arnaiy komissiia quryldy.
«Qazaqmys» kompaniiasynyń basshylyǵy men ujymy marqumnyń jaqyn týǵan-týysqandaryna qaiǵylaryna ortaqtasyp, kóńil aitady. Qaza tapqan jumyskerdiń otbasyna ujymdyq shartta qarastyrylǵan barlyq qajetti kómek kórsetiledi, onyń ishine jerleý shyǵyndary da kiredi, deidi kompaniia ókilderi.
Eske salaiyq, buǵan deiin Ulytaý oblysynda shahta opyrylyp, jeti qyzmetker qaza tapqanyn habarlaǵan edik.
Jańaarqa aýdanyndaǵy "Qazaqmys" korporatsiiasyna qarasty "Jomart" kenishindegi shahtada taý-ken massasy opyryldy. Búgin qutqarýshylar jeti jumysshynyń denesin tapty.
Kabelder úzilýine bailanysty jumysshylarmen bailanys ta úzildi. Avariialyq-qutqarý jumystaryna Ulytaý jáne Qaraǵandy oblystarynyń TJD kúshteri men quraldary, apattar meditsinasy ortalyǵynyń qyzmetkerleri jáne TJM psihologtary jumyldyryldy.
Premer-ministr Oljas Bektenovtiń tapsyrmasy boiynsha Ulytaý oblysy Jańaarqa aýdanyndaǵy shahtadaǵy jaǵdaidyń sebepterin tergeý jáne zardap shekkenderge kómektesý jónindegi arnaiy komissiia quryldy. Komissiiany premer-ministrdiń orynbasary Qanat Bozymbaev basqardy.
Bul derekke qatysty Politsiia departamenti málimdeme jasady.
Atalǵan fakti boiynsha QR QK-niń 277-babynyń 3-bóligi «Taý-ken nemese qurylys jumystaryn júrgizý kezinde qaýipsizdik erejelerin buzý» boiynsha is qozǵaldy. Oqiǵa ornynda Ulytaý oblysynyń politsiia departamentiniń jedel-tergeý toptary jumys istep jatyr. Qazirgi ýaqytta barlyq qajetti tergeý amaldary júrgizilip jatyr.
"Jomart" kenishi - Jezqazǵan qalasynan ońtústik-shyǵysqa qarai 130 shaqyrym jerde ornalasqan. Onda mys sýlfidi óndiriledi. "Qazaqmys" korporatsiiasynyń iri aktsioneri - Kazakhmys Copper.
Keiinirek "Qazaqmys" Ulytaý oblysyndaǵy apatty qaza tapqan kenshilerdiń tizimin jariialady.
Qaza bolǵan kenshilerdiń tizimi:
- Aqshalov Qairat Amanbekuly, 1975 jyly týǵan, nasos mashinisi;
- Jakýbaev Ardaq Boranbaiuly, 1998 jyly týǵan, jerasty taý-ken sheberi;
- Jumadullaev Baqytbek Nyshanuly, 1975 jyly týǵan, jerasty kenshisi:
- Kenjebekov Orynbek Ámirhanuly, 1991 jyly týǵan, tieý-jetkizý mashinasynyń mashinisi;
- Moldabekov Ǵalymjan Esenbekuly, 1978 jyly týǵan, burǵylaýshynyń kómekshisi,
- Nuruldaev Oljas Jaǵalbaiuly, 1979 jyly týǵan, jerasty ýchaskesiniń energetik,
- Rojkov Konstantin Vladimirovich, 1992 jyly týǵan, jerasty taý-ken jabdyqtarynyń elektr slesari.
