«Qazaqmys» Tobynda óndiristik arnaiy kiimniń biryńǵai standartyna kezeń-kezeńmen kóshý jalǵasýda. Jańartylǵan arnaiy kiim úlgileri naqty eńbek jaǵdaiyn eskere otyryp, jer ústi jáne jer asty jumystaryndaǵy erekshelikke sai daiyndaldy, dep habarlaidy Dalanews.kz.
Basty mindet – arnaiy kiimdi barynsha yńǵaily, senimdi ári fýnktsionaldy etý. Óndiris alańynda anyq kóriný úshin jańa úlgidegi kiimniń túsi ózgertildi. Yńǵaily bolǵandyqtan jáne jyldam taǵylyp-sheshiletindikten túimeniń ornyna sydyrma men batyrma qoldanyldy. Shań men sýyqtan jaqsyraq qorǵaý úshin qaiyrma jaǵa tik jaǵaǵa aýystyryldy. Shalbardyń bel tusynyń artqy bóligi biiktetilip, jyly bolý úshin qosymsha qabat qosyldy. Bul jerasty jumysyn oryndaýda asa mańyzdy. Sonymen qatar quraldarǵa arnalǵan qosymsha qaltalar men aýa almasýdy qamtamasyz etetin ventiliatsiialyq elementter qarastyrylǵan.
Arnaiy kiim úlgisiniń jańa standartyna kóshý birqatar óndiris alańdarynda 2025 jyly júzege asyryldy. 2026 jylǵy 1 naýryzdan bastap jańartylǵan arnaiy kiim Jezqazǵan taý-ken óndirisiniń kásiporyndaryna engiziledi.
Arnaiy kiimniń biryńǵai standartyn engizýdiń maqsaty – kúndelikti jumysta jailylyq pen qaýipsizdikti qamtamasyz etý. Jańa standart jumys úderisin yńǵaily ári qaýipsiz etýi tiis.
«Qazaqmysta» arnaiy kiimniń biryńǵai standarty engiziledi
Qazaqmys
