Qazaqmys qaza tapqan kenshilerdiń otbasyna barlyq nesiesin ótep berdi, dep habarlaidy Dalanews.kz.
Qazaqmys korporatsiiasy Ujymdyq shart pen ómirdi saqtandyrý baǵdarlamasynyń mindettemelerin oryndaý aiasynda kenshilerdiń otbasyna jan-jaqty kómek kórsetýdi jalǵastyrýda.
Otbasylardyń ekinshi deńgeili bankter men mikroqarjy uiymdary aldyndaǵy negizgi boryshtarynyń qaryzy tolyǵymen tólendi. Tólemderdiń jalpy somasy shamamen 90 mln teńgeni qurady. Ári qarai otbasylar qarjy uiymdary aldyndaǵy qaryzdy óz betinshe óteýi tiis.
Buǵan deiin Qazaqmys barlyq otbasyǵa 10 jyldyq jalaqy mólsherinde (84 mln teńgeden 142 mln teńgege deiin) ótemaqy jáne jerleý rásimine 550 AEK (2,2 mln teńge) kóleminde járdemaqy tóledi.
Sonymen qatar «KM Life» AQ saqtandyrý kompaniiasy jerleý rásimin atqarý úshin ár otbasyna 100 AEK tóledi.
Sondai-aq balalary 23 jasqa tolǵanǵa deiin ai saiyn 524 myńnan 921 myń teńgege deiin asyraýshysynan aiyrylýyna bailanysty saqtandyrý tólemin taǵaiyndaý josparlanýda.
Buǵan qosa qazir týystaryn jumysqa ornalastyrý jáne qazaqstandyq joǵary oqý oryndarynda oqityn stýdent balalarynyń oqý aqysyn tóleý máselesi qarastyrylýda.
