Rýslan Óskenáli «Qazaqmys korporasıasy» JSHS Basqarma tóraǵasy qyzmetine kiristi, dep habarlaıdy Dalanews.kz.
Rýslan Óskenáli 1984 jyly týǵan. Ál-Farabı atyndaǵy Qazaq ulttyq ýnıversıtetin «Halyqaralyq quqyq» mamandyǵy boıynsha támamdaǵan, sondaı-aq Woodbury University joǵary oqý ornynda MBA dárejesin alǵan.
Komersıalyq jáne ónerkásiptik qurylymdardyń basqarýshylyq qyzmetinde tájirıbeci mol. Ár jyldary «Qazaqmys» korporasıasy, Alstom jáne General Electric syndy iri halyqaralyq jáne ulttyq kompanıalarda basshylyq laýazymdarda qyzmet atqardy.
2024 jyldyń naýryz aıynan bastap Qarmet kompanıasynda jabdyqtaý jónindegi dırektor qyzmetin atqaryp, satyp alý fýnksıasyn strategıalyq damytýmen jáne jabdyqtaý prosesin ońtaılandyrýmen aınalysty. Sondaı-aq Basqarma múshesi retinde kompanıanyń jalpy basqarýshylyq máseleleri boıynsha sheshimder qabyldaýǵa qatysqan.
Jalpy alǵanda, onyń kásibı joly iri kásiporyndardyń aktıvteri men operasıalyq qyzmetin basqarý tájirıbesin, sondaı-aq strategıalyq jobalardy iske asyrýdy qamtıdy.
Rýslan Óskenáli tıimdiliktiń joǵary standarttaryna adaldyǵymen, korporatıvtik mádenıet qundylyqtaryn qurmetteýimen jáne uıym ishindegi kadrlyq potensıaldy damytýǵa umtylýymen erekshelenedi.
