رۋسلان وسكەنالى «قازاقمىس كورپوراسياسى» ج ش س باسقارما ءتوراعاسى قىزمەتىنە كىرىستى، دەپ حابارلايدى Dalanews.kz.
رۋسلان وسكەنالى 1984 جىلى تۋعان. ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا ءتامامداعان، سونداي-اق Woodbury University جوعارى وقۋ ورنىندا MBA دارەجەسىن العان.
كوممەرسيالىق جانە ونەركاسىپتىك قۇرىلىمداردىڭ باسقارۋشىلىق قىزمەتىندە تاجىريبەcءى مول. ءار جىلدارى «قازاقمىس» كورپوراسياسى، Alstom جانە General Electric سىندى ءىرى حالىقارالىق جانە ۇلتتىق كومپانيالاردا باسشىلىق لاۋازىمداردا قىزمەت اتقاردى.
2024 جىلدىڭ ناۋرىز ايىنان باستاپ Qarmet كومپانياسىندا جابدىقتاۋ جونىندەگى ديرەكتور قىزمەتىن اتقارىپ، ساتىپ الۋ فۋنكسياسىن ستراتەگيالىق دامىتۋمەن جانە جابدىقتاۋ پروسەسىن وڭتايلاندىرۋمەن اينالىستى. سونداي-اق باسقارما مۇشەسى رەتىندە كومپانيانىڭ جالپى باسقارۋشىلىق ماسەلەلەرى بويىنشا شەشىمدەر قابىلداۋعا قاتىسقان.
جالپى العاندا، ونىڭ كاسىبي جولى ءىرى كاسىپورىنداردىڭ اكتيۆتەرى مەن وپەراسيالىق قىزمەتىن باسقارۋ تاجىريبەسىن، سونداي-اق ستراتەگيالىق جوبالاردى ىسكە اسىرۋدى قامتيدى.
رۋسلان وسكەنالى تيىمدىلىكتىڭ جوعارى ستاندارتتارىنا ادالدىعىمەن، كورپوراتيۆتىك مادەنيەت قۇندىلىقتارىن قۇرمەتتەۋىمەن جانە ۇيىم ىشىندەگى كادرلىق پوتەنسيالدى دامىتۋعا ۇمتىلۋىمەن ەرەكشەلەنەدى.
