«Qazaqmys» korporasıasy óndiristik úderistiń turaqtylyǵyn jáne eńbek ujymy aldyndaǵy barlyq áleýmettik mindettemelerdiń oryndalýyn qamtamasyz ete otyryp, josparly jumysyn jalǵastyrýda, dep habarlaıdy Dalanews.kz.
2025-2029 jyldarǵa arnalǵan «Qazaqmys korporasıasy» jaýapkershiligi shekteýli seriktestigi men jumyskerleri arasyndaǵy Ujymdyq shart aıasynda Korporasıa bıylǵy aqpan aıynyń birinshi jartysynda 12,3% mólsherinde ındekstelgen birjolǵy tólemdi tóleıdi. Bul kórsetkish Qazaqstan Respýblıkasy Strategıalyq josparlaý jáne reformalar agenttiginiń Ulttyq statısıka búrosy jarıalaǵan 2025 jylǵy resmı ınflásıa deńgeıine sáıkes keledi.
Sonymen qatar toqsandyq syıaqyny tóleý boıynsha belgilengen tártip saqtalady.
«Qazaqmys» korporasıasy áleýmettik turaqtylyqty saqtaýǵa, jumyskerlerdiń qorǵalý deńgeıin arttyrýǵa jáne laıyqty eńbek jaǵdaıyn qamtamasyz etýge baǵyttalǵan saıasatyn júıeli túrde júzege asyryp keledi.
Qyzmetkerler aldyndaǵy mindettemelerdi oryndaýmen qatar Korporasıa óndiristik qýatty jańǵyrtýǵa, ónerkásiptik qaýipsizdik deńgeıin arttyrýǵa jáne Top quramyndaǵy kásiporyndardyń turaqty damýyn qamtamasyz etýge ınvestısıa salýdy jalǵastyrýda.
