«قازاقمىس» كورپوراسياسى وندىرىستىك ۇدەرىستىڭ تۇراقتىلىعىن جانە ەڭبەك ۇجىمى الدىنداعى بارلىق الەۋمەتتىك مىندەتتەمەلەردىڭ ورىندالۋىن قامتاماسىز ەتە وتىرىپ، جوسپارلى جۇمىسىن جالعاستىرۋدا، دەپ حابارلايدى Dalanews.kz.
2025-2029 جىلدارعا ارنالعان «قازاقمىس كورپوراسياسى» جاۋاپكەرشىلىگى شەكتەۋلى سەرىكتەستىگى مەن جۇمىسكەرلەرى اراسىنداعى ۇجىمدىق شارت اياسىندا كورپوراسيا بيىلعى اقپان ايىنىڭ ءبىرىنشى جارتىسىندا 12،3% مولشەرىندە يندەكستەلگەن ءبىرجولعى تولەمدى تولەيدى. بۇل كورسەتكىش قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى جاريالاعان 2025 جىلعى رەسمي ينفلياسيا دەڭگەيىنە سايكەس كەلەدى.
سونىمەن قاتار توقساندىق سىياقىنى تولەۋ بويىنشا بەلگىلەنگەن ءتارتىپ ساقتالادى.
«قازاقمىس» كورپوراسياسى الەۋمەتتىك تۇراقتىلىقتى ساقتاۋعا، جۇمىسكەرلەردىڭ قورعالۋ دەڭگەيىن ارتتىرۋعا جانە لايىقتى ەڭبەك جاعدايىن قامتاماسىز ەتۋگە باعىتتالعان ساياساتىن جۇيەلى تۇردە جۇزەگە اسىرىپ كەلەدى.
قىزمەتكەرلەر الدىنداعى مىندەتتەمەلەردى ورىنداۋمەن قاتار كورپوراسيا وندىرىستىك قۋاتتى جاڭعىرتۋعا، ونەركاسىپتىك قاۋىپسىزدىك دەڭگەيىن ارتتىرۋعا جانە توپ قۇرامىنداعى كاسىپورىنداردىڭ تۇراقتى دامۋىن قامتاماسىز ەتۋگە ينۆەستيسيا سالۋدى جالعاستىرۋدا.
