Sátbaev qalasyndaǵy jaǵdaiǵa qatysty
2024 jylǵy 18 jeltoqsanda «Qazaqmys korporatsiiasy» JShS basqarma tóraǵasy Nurahmet Nýriev Jezqazǵan óndiristik alańyndaǵy kenishterdiń brigadirlerimen kezdesti.
Jiynǵa sonymen qatar Jezqazǵan qalasynyń ákimi Qairat Shaijanov, Sátbaev qalasynyń ákimi Murat Bóribaev qatysty.
Kezdesýde jumyskerlerdiń talaby talqylandy. Jiyn qorytyndysynda «13-shi jalaqyǵa» 30 paiyz mólsherinde ústemeaqy qosý týraly talapty qanaǵattandyrý týraly sheshim qabyldandy.
Jalaqyǵa keletin bolsaq, jumys berýshi 2025 jyldyń 1 qańtarynan bastap jalaqyny kóterýdiń eki nusqasyn usyndy:
1-nusqa: jalaqy mólsherin qosymsha 8,5%-ǵa ulǵaitý, óndiristik jospardy oryndaǵany úshin qosymsha 50 AEK mólsherinde tórt toqsandyq syilyqaqy (2025 jyly – toqsan saiyn 196 myń teńge);
2-nusqa: Jalaqyny 15,6%-ǵa indeksteý.
Kelissóz barysynda N.Nýriev jalaqynyń kúrt ári negizsiz ulǵaiýy túptiń túbinde kompaniianyń birqatar kenishteriniń básekege qabilettiligin joiyp, konservatsiialanýyna ákeletinine, saldarynan jumys oryndarynyń jabylýyna ákelip soqtyratynny atap ótti.
Sondai-aq usynystardy túsindirý úshin jumys oryndarynda, onyń ishinde shahtalarda jumysshylarmen tikelei kezdesý uiymdastyryldy.
2024 jyl 19 jeltoqsan saǵat 09:00-degi jaǵdai boiynsha, kelissóz jalǵasýda.
Kompaniia barlyq jumyskerlerdi ystyq tamaqpen qamtamasyz etýde.
«Qazaqmys korporatsiiasy» JShS qalyptasqan jaǵdaidy tezireksheshý úshin oń qadamdardy júzege asyrýdy jalǵastyrýda.
