ساتبايەۆ قالاسىنداعى جاعدايعا قاتىستى
2024 جىلعى 18 جەلتوقساندا «قازاقمىس كورپوراسياسى» ج ش س باسقارما ءتوراعاسى نۇراحمەت نۋرييەۆ جەزقازعان وندىرىستىك الاڭىنداعى كەنىشتەردىڭ بريگاديرلەرىمەن كەزدەستى.

جيىنعا سونىمەن قاتار جەزقازعان قالاسىنىڭ اكىمى قايرات شايجانوۆ، ساتبايەۆ قالاسىنىڭ اكىمى مۇرات بورىبايەۆ قاتىستى.

كەزدەسۋدە جۇمىسكەرلەردىڭ تالابى تالقىلاندى. جيىن قورىتىندىسىندا «13ء-شى جالاقىعا» 30 پايىز مولشەرىندە ۇستەمەاقى قوسۋ تۋرالى تالاپتى قاناعاتتاندىرۋ تۋرالى شەشىم قابىلداندى.

جالاقىعا كەلەتىن بولساق، جۇمىس بەرۋشى 2025 جىلدىڭ 1 قاڭتارىنان باستاپ جالاقىنى كوتەرۋدىڭ ەكى نۇسقاسىن ۇسىندى:

1-نۇسقا: جالاقى مولشەرىن قوسىمشا 8،5%-عا ۇلعايتۋ، وندىرىستىك جوسپاردى ورىنداعانى ءۇشىن قوسىمشا 50 اەك مولشەرىندە ءتورت توقساندىق سىيلىقاقى (2025 جىلى – توقسان سايىن 196 مىڭ تەڭگە)؛

2-نۇسقا: جالاقىنى 15،6%-عا يندەكستەۋ.

كەلىسسوز بارىسىندا ن.نۋرييەۆ جالاقىنىڭ كۇرت ءارى نەگىزسىز ۇلعايۋى ءتۇپتىڭ تۇبىندە كومپانيانىڭ ءبىرقاتار كەنىشتەرىنىڭ باسەكەگە قابىلەتتىلىگىن جويىپ، كونسەرۆاسيالانۋىنا اكەلەتىنىنە، سالدارىنان جۇمىس ورىندارىنىڭ جابىلۋىنا اكەلىپ سوقتىراتىننى اتاپ ءوتتى.

سونداي-اق ۇسىنىستاردى ءتۇسىندىرۋ ءۇشىن جۇمىس ورىندارىندا، ونىڭ ىشىندە شاحتالاردا جۇمىسشىلارمەن تىكەلەي كەزدەسۋ ۇيىمداستىرىلدى.

2024 جىل 19 جەلتوقسان ساعات 09:00-دەگى جاعداي بويىنشا، كەلىسسوز جالعاسۋدا.

كومپانيا بارلىق جۇمىسكەرلەردى ىستىق تاماقپەن قامتاماسىز ەتۋدە.

«قازاقمىس كورپوراسياسى» ج ش س قالىپتاسقان جاعدايدى تەزىرەكشەشۋ ءۇشىن وڭ قادامداردى جۇزەگە اسىرۋدى جالعاستىرۋدا.