Mádeniet jáne aqparat ministri Aida Balaeva “Qazaqfilm” AQ-nyń qazirgi jai-kúii men bolashaǵy jaily sóz qozǵady, dep habarlaidy Dalanews.kz.
BAQ ókilderi ministrge “Qazaqfilm jabylýy múmkin be? Onyń taǵdyryna qaýip tónip turǵan joq pa? ” degen suraq qoidy.
Balaevanyń sózinshe, kinostýdiianyń qazirgi jaǵdaiy máz emes.
"Ministr retinde “Qazaqfilmniń” jabylmaitynyn resmi málimdeimin. Iá, onyń qazirgi jaǵdaiy óte kúrdeli. Kino men kinematografiianyń damýy "Qazaqfilmniń" tarihymen tikelei bailanysty. Mádeniet jáne aqparat ministrliginiń búginde "Qazaqfilmdi" tikelei qarjylandyrýǵa quqyqtyq negizi joq. "Qazaqfilmniń" kino túsiretin basqa da kóptegen prodiýserlik kompaniia siiaqty quqyǵy bar. Sol sebepti biz naqty sharalar ázirlep jatyrmyz. Aldymen zańnamalyq deńgeide osy máseleni retteý qajet”, - deidi ol.
Aitýynsha, aqsha bólinbei jatyp alǵa josparlar qurý múmkin emes.
“Qarjylandyrý joq kezde, damý týraly sóz qozǵai almaisyń. Bos turǵan keńseler men qurylǵylardy jalǵa berý arqyly túsip jatqan qarajat sonda jumys isteitin qyzmetkerlerdiń ailyǵyna jumsalady”,- dedi ministr.
Aita keteiik, búgin "Aq jol" fraktsiiasy múshesi, depýtat Qazybek Isa "Qazaqfilmge" qatysty máseleni kóterdi.
"Mádeniet ministrligi ózderiniń qatelikterinen shyqqan daýdy tezirek sheshý ornyna, Prezidentke talai úndeý jasalyp jatsa da, sońǵy úndeýden beri on kúnnen assa da, ministr túgili, ministrliktiń bir ókili de "Qazaqfilmge" bas suqpaǵan áli... Bul Mádenietti qoldaýǵa basa nazar aýdaryp otyrǵan Prezident Toqaevtyń Ádiletti Qazaqstan saiasatyna qarsy jasalyp otyrǵan sabotaj emes pe?!.
Hatta jazylǵandai, "Qazaqfilm" kinostýdiiasynda da, Ulttyq kinony qoldaý ortalyǵynda – birde-bir kino salasynyń mamany joq. Bul "aýrýhanada bir de bir dáriger joq" degenmen birdei sumdyq jaǵdai emes pe?! Sonda biz Ulttyq kinomyzdyń taǵdyryn kimderdiń qolyna tapsyryp otyrmyz?!" - dep ashyndy ol.
