Sharaǵa Senat depýtattary, Til komitetiniń basshylyǵy, Oblys ákimderi, Oblystyq bilim basqarmasy, qoǵam qairatkerleri, aqyn-jazýshylarymyz jáne ataqty ánshiler qatysyp, olimpiada júldeli oryndarǵa ie bolǵan oqýshylardy arnaiy marapattady.
Olimpiadany ótkizýdiń basty maqsaty – Memlekettik tildiń qoldaný aiasyn keńeitý jáne ony damytý, ári qazaq tili men ádebieti pánderi boiynsha erekshe daryndy oqýshylardy anyqtaý, qazaq tilinde án aitý, mánerlep oqý, ǵylymi jumys qorǵaý, shyǵarmashylyq qabiletin kórsetý arqyly Qazaqstannyń «jarqyn bolashaǵyn» úshin aianbai qyzmet etetin qabiletti jastarǵa qoldaý kórsetý.
Olimpiadada aýdandyq, qalalyq jáne oblystyq jarystaryna myńdaǵan oqýshy qatysyp, aqtyq márede jeńimpaz atanǵan jastarǵa elimizdegi JOO-ń bilim granty tabys etildi. Bul joly olimpiadaǵa respýblika boiynsha 5 myńnan asa oqýshy qatysyp, solardyń ishinen iriktelgen top arnaiy ózara básekege tústi. Úsh kúndik jarys kezinde arnaiy baǵalaýshylardyń ár sektsiia boiynsha tańdaǵan jeńimpazdary baǵaly syilyqtarmen marapattaldy. Respýblikalyq JOO-lardan 40 grant jeńimpazdarǵa buiyryp, tegin oqý mártebesine ie boldy. Bir ǵana Súleimen Demirel atyndaǵy ýniversitet táýelsizdik 25 jyldyǵyna orai 25 grant bólipti. Uiymdastyrýshylar qazaq tili men ádebietin jetik meńgergen oqýshylar sany jyl saiyn kóbeiip kele jatqanyn aitady. Jarysqa qatysýshylardyń basym bóligi orys mektepterinde bilim alatyny qýantarlyq jait.
Jabylý keshine arnaiy óner juldyzdarymen qatar, "Ánshi-bulbuldar" nominatsiiasy boiynsha júlde alǵan jas talanttar án aityp, bi bilese, "Sóz sheberleriniń" ishinen sýyrylyp shyqqandary Muqaǵali men Juban aqynnyń óleńderin mánerlep oqyp, jurtshylyqty tánti etti.
Aldaǵy aida Astana tórinde álemniń 30 elinen qazaq tili men ádebietin tereń meńgergen oqýshylar «Jarqyn bolashaq» atty baiqaýǵa qatysady. Bul qazaq tiliniń álemdik mártebesin kóterip, ǵylym men bilim, halyqaralyq qatynas tiline ainalýynyń bir kórinisi. Bul shara týraly aldaǵy ýaqytta keńirek jazatyn bolamyz.
