Qazaq tili úshin sózge qalǵan Stanislav Cherchesovke aiyppul salyndy. Parlamentte bul jaily Qazaqstan fýtbol federatsiiasynyń prezidenti Ádilet Bármenqulov málim etti,- dep habarlaidy Dalanews.kz Qaz365.kz-ke siltep.
«Ol jerde bas bapker jýrnalispen tek ázildesken. Men oǵan túsindirdim. Endigári ondai qatelikter bolmaidy. Men sol úshin eldiń aldynda jaýap berip otyrmyn. Cherchesovke ishki tekseris bolǵannan keiin aiyppul salyndy. Etika jóninde jumysty jalǵastyramyz», - dedi Bármenqulov.
Kesheli beri áleýmettik jelilerde fýtboldan Qazaqstan ulttyq quramasynyń bas bapkeri Stanislav Cherchesovtiń qazaq tilin kemsitýge tyrysqany týraly video tarady. Osyǵan qatysty Týrizm jáne sport ministrligi bul jaǵdaiǵa beijai qaramai, Qazaqstan fýtbol federatsiiasyna resmi hat joldaǵan.
Aita keteiik, Ulttar ligasy aiasynda Sloveniiamen ótken machtan keiingi baspasóz konferentsiiasynda marqum Amangeldi Seiithannyń uly Begasyl Seiithan Stanislav Cherchesovke qazaq tilinde suraq qoiyp bastaidy. Bas bapker jýrnalistiń ústine Frantsiianyń PSJ klýbynyń jeidesin kiip alǵanyn ázilge ainaldyrǵysy keldi me, áiteýir «Sen qai tilde sóilep tursyń – frantsýzsha ma?» dep sózin bóldi. Sonan soń basyn izep, suraǵyn jalǵastyrýǵa bolatynyn ańǵartty.
