Prezident Qasym-Jomart Toqaev qazaq tili ýaqyt óte kele etnosaralyq qatynas tiline ainalatynyn málimdedi, - dep habarlaidy Dalanews.kz.
"Jer júzinde bárimizdi alańdatyn túrli oqiǵalar bolyp jatyr. Birtutas ult retinde dál osy kezde bizdiń maqsatymyz da, nietimiz de bir bolýǵa tiis. Qoǵamda ultyna qarai erekshelenýge, oqshaýlanýǵa umtylǵan kez kelgen áreketke, ásirese, azamattardy tiline, ultyna, dinine nemese mádenietine bola arandatýǵa, ia bolmasa kemsitýge múlde jol bermeitin orta qalyptastyrý mańyzdy.
Til - kóptegen memleket úshin ózekti máseleniń biri. Osy máseleniń durys sheshilýi kez kelgen eldegi qoǵamdyq-saiasi ahýaldyń turaqtylyǵyna edáýir yqpal etetinin tarihtyń ózi kórsetip otyr. Qazaqstanda da solai. Biz osy asa shetin máselege kelgende syrtqy-ishki faktorlardy eskere otyryp, strategiialyq ustamdylyq jáne toleranttyq tanytýymyz qajet. Biraq bul bizdiń memlekettik tildi jan-jaqty damytýǵa basa nazar aýdaratynymyzdy joqqa shyǵarmaidy. Men qazaq tili ýaqyt óte kele etnosaralyq qatynas tiline ainalatynyna senimdimin.
Biz birtindep osyǵan kele jatyrmyz. Memleket olardyń túrli jetistikterine, sonyń ishinde saiasi sipattaǵy tabystaryna da nazar aýdarady jáne olardy barynsha qoldaidy. Búgin osyndai birqatar azamatqa marapat tapsyrylady", - dedi Toqaev.
