Ótken apta qazaq sporty úshin oljaly apta boldy. El namysyn qorǵaǵan sańlaqtarymyz júldeli oryndarǵa qol jetkizip, kók bairaǵymyzdy jilbiretti. Endi osyǵan az-kem toqtala ketsek.
Aqmaral Erekeshevanyń tarihi altyny
16-23 maýsym kúnderi Bolgariia astanasy Sofiiada ótken iýniorlar arasyndaǵy álem chempionaty máresine jetti. Atalǵan jarysqa 7 sportshymyz qatysyp, tarihi nátijege qol jetkizdi.
Atap aitqanda, Aqmaral Erekesheva úsh baǵdarlamada finalǵa shyǵyp, dop jáne lenta jattyǵýlarynda altyn, shyǵyrshyq jattyǵýynda kúmis medal jeńip aldy. Osylaisha, jerlesimiz tarihi jetistikke qol jetkizdi. Buǵan deiin jerlesterimizdiń eń úzdik nátijesi – 4-oryn bolatyn.
Olimpiada chempiondarymen sheberlik baiqasty
16-23 maýsym kúnderi Indoneziianyń Bali qalasynda ótken semserlesýden sary qurlyq básekesinde ulttyq qurama sportshylary bir kúmis, bir qola medal jeńip aldy. Komandalyq saiysta Qazaqstan quramasy álemdegi kóshbasshylardyń biri, Olimpiada chempiony Japoniia quramasymen synǵa túsip, 24:45 esebimen qarsylas jeńiske jetti.
Komanda sapynda Rýslan Kýrbanov, Erlik Sertai, Elmir Álimjanov, Vadim Sharlaimov, Kirill Prohodov óner kórsetti.
Aita keteiik, jarys barysynda Qazaqstan quramasy 1/16 kezeńde Túrikmenstannan, keiin Singapýrdan, jartylai finalda Qytaidan basym tústi. Osyǵan deiin chempionatta Vadim Sharlaimov jekelei synda qola júldeger atanǵan edi.
Tashkenttegi jarysta 3 sportshymyz tuǵyr satysyna kóterildi
18-21 maýsymda Ózbekstannyń Tashkent qalasynda ótken sporttyq gimnastikadan Challenge Cup jarysynda ulttyq quramanyń 3 sportshysy tuǵyr satysyna kóterildi.
Qossyryq jattyǵýynyń finalynda Ilias Azizov kúmis (13.100 upai), taǵy bir otandasymyz Dmitrii Patanin qola júldeger (12.700 upai) atandy. Bul jattyǵýda jarys qojaiyny Akrorhon Temirhonov 13.550 ball jinap, top jardy.
Al áielder arasynda bórene jattyǵýynda Kórkem Erbosynqyzy finalda úzdik úshtikti túiindedi. Otandasymyz 12.100 ball alyp, Challenge Cup jarysyndaǵy alǵashqy júldesin moinyna taqty.
Qazaqstan grek-rim kúresinen Aziia chempionatynda top jardy
2025 jylǵy 18-21 maýsym kúnderi Výngtaý qalasynda (Vetnam) ótken 23 jasqa deiingi sportshylar arasyndaǵy Aziia chempionatynda otandyq palýandar 6 altyn (Erasyl Mamyrbekov, Ishar Qurbaev, Baǵdat Sabaz, Aqjan Yqylasov, Maiis Áliev, Viktoriia Hýsainova), 6 kúmis (Maqsat Sailaý, Iýsýf Matsiev, Djohar Ýzarov, Merei Bazarbaev, Elnar Shildebai, Nurdáýlet Bekenov, ) jáne 7 qola medal (Dias Qaltai, Nurdáýlet Seiilbekov, Ashab Hadjiev, Álimjan Sálimjan, Zeinep Baianova, Angelina Pervýhina, Tynys Dýbek) jeńip aldy. Ásirese, grek-rim kúresiniń ókilderi úzdik nátije kórsetip, jalpykomandalyq esepte top jardy.
Stella Sýhanovanyń bir ózi Aziia chempionatynda 4 altyn medal jeńip aldy
Tailandtyń Raiong qalasynda baidarka men kanoede eskek esýden 18 ben 23 jas sanatyndaǵy Aziia chempionaty ótti.
Sary qurlyq básekesinde U23 sanatynda ulttyq qurama sportshylary synǵa túsip, 6 altyn (Denis Klenin, Stella Sýhanova, Dmitrii Holmogorov, Egor Krasnonos), 6 kúmis (Ánýar Almaǵambetov, Olga Sýrmina, Mariia Brovkova, Dmitrii Holmogorov, Egor Krasnonos, Denis Klenin, Dmitrii Ladiýkov, Olga Sýrmina, Mariia Brovkova, Viktoriia Falaleeva, Tatiana Gladkova) jáne 3 qola medalmen (Nurjan Mýfýqululy, Ánýar Almaǵambetov) jalpy esepte 2-orynǵa turaqtady.
Biylǵy chempionatqa 16 memleketten 270 sportshy qatysty. Qazaqstan 18 ben 23 jas sanatyn qosqanda barlyǵy 12 altyn, 12 kúmis, 7 qola júlde ielendi.
Aleksandr Býblik Galle týrniriniń eki dúrkin chempiony atandy
Qazaqstannyń birinshi, álemniń 45-raketkasy Aleksandr Býblik Germaniianyń Galle qalasynda ótken ATP 500 týrniriniń jeńimpazy atandy. Finalda ol álemniń 11-raketkasy, reseilik Daniil Medvedevti jeńdi – 6:3, 7:6 (7:4). Osylaisha, Býblik sporttyq jolynda ATP týrnirlerindegi besinshi titýlyna qol jetkizdi. Sonyń ishinde ol ekinshi ret Galle (2023) dodasynda úzdik shyǵyp otyr.
