HHI ǵasyr – ulttar arasyndaǵy báseke zamany. Bul – tek ekonomikalyq nemese áskeri qýatqa emes, eń aldymen, ulttyq biregeilik pen sapaly qoǵamǵa negizdeletin jańa dáýir. Qazaqstan bul ózgeristerge beijai qaramai, ýaqyt talabyna sai tyń strategiialyq baǵyttar ustanýda. Bul jóninde QR Parlamenti Senatynyń Tóraǵasy Máýlen Áshimbaev avtorlyq maqalasynda jan-jaqty baiandady,- dep habarlaidy Dalanews.kz
Ol Prezident Qasym-Jomart Toqaevtyń bastamalaryna súiene otyryp, qazirgi zamanǵy ulttyq jańǵyrýdy «Qazaq renessansy» dep sipattaidy.
2022 jyl – Qazaqstan úshin erekshe kezeń. Áshimbaevtyń aitýynsha, bul jyl eldiń sanasyn silkintip, jańasha oilaýǵa túrtki bolǵan mejeli ýaqyt boldy. Búgingi kúrdeli geosaiasi jaǵdaida ulttyq biregeilikke qaýip tóndiretin úderister kóbeiip otyr. Kóptegen elderde bul daǵdarys ultshyldyq, ksenofobiia, radikalizm, oqshaýlanýǵa ákelse, Qazaqstan Prezident Toqaevtyń bastamasymen ózgeshe joldy tańdady – etnomádeni integratsiia, quqyq pen bostandyqty qurmetteý, jańǵyrǵan ulttyq sana arqyly ultty biriktirý.
Memleket basshysynyń negizgi ideiasy – «Ulttyń jańa sapasyn qalyptastyrý». Bul tek ekonomikalyq kórsetkishter emes, qoǵamdyq sana, qundylyqtar júiesi men mádeni kodty jańartý degen sóz. Máýlen Áshimbaevtyń pikirinshe, Toqaev reformalary – «Qazaq renessansynyń» qozǵaýshy kúshi. Olar bilim, ǵylym, mádeniet, eńbek jáne tsifrlyq daǵdylar arqyly «smart-ultty» tárbieleýge baǵyttalǵan.
Prezident Toqaevtyń «Adal azamat» tujyrymdamasy – bul renessanstyń irgetasy. Zań ústemdigi, ashyqtyq, azamattyq jaýapkershilik – búgingi Qazaqstan azamatynyń beinesine ainalýy tiis. Bul printsipter arqyly ádiletti qoǵam men básekege qabiletti memlekettiń negizi qalanýda.
«Qazaq renessansy» dástúr men zamanaýi úderisterdiń sintezinen turady. Áshimbaevtyń aitýynsha, bul – Naýryzdy toilaý, etnostilge suranys, ulttyq taǵamdar men halyq aspaptaryna betburys sekildi kórinisterden bastalady. Qazaq tiline degen suranystyń artýy – biregeiliktiń tiregi retindegi rólin arttyryp keledi. Bul – mádeniettiń jańarýy ǵana emes, ulttyq ózindik sananyń jańǵyrýy.
«Smart-ult» – bul búgingi emes, bolashaq urpaqqa arnalǵan baǵdar. Ol – tehnologiiany meńgergen, tereń bilimdi, kreativti jáne áleýmettik jaýapty azamattardan turatyn qoǵam. Prezident Toqaev tsifrlyq transformatsiiany ideologiialyq deńgeige kóterip otyr. Máýlen Áshimbaev osy tujyrymdy keńeitip, smart-ult tek tsifrlyq saýat emes, inkliýzivtilik, ekologiialyq mádeniet, etikalyq jańǵyrý ekenin atap ótedi.
Qazaqstanda bul baǵyttaǵy naqty qadamdar jasalyp jatyr:
– «Tsifrlyq Qazaqstan» baǵdarlamasy;
– «Aqyldy qalalar»;
– IT-bilim berý;
– Astana Hub ekojúiesi;
– Jastardyń halyqaralyq jetistikteri (mysaly, 8 jasar Alisha Bisalievanyń álem chempiony atanýy).
Maqalanyń sońynda Áshimbaev tarihty tek ótkenniń sabaǵy emes, bolashaqqa bastaityn uly protsess retinde sipattaidy. Ol Sultan Beibarystyń beinesin keltire otyryp, «jýsan iisin» umytpaǵan ulttyń armanyn, rýhani qýatyn eske salady. Bul simvolika – qazaqtyń jahandyq sahnada óz ornyn tabýǵa degen senimi men batyldyǵyn bildiredi.
