Qara teńizdegi tankerlerge qatysty oqiǵaǵa Qazaqstannyń Energetika ministrligi pikir bildirdi, dep habarlaidy Dalanews.kz.
Vedomstvo 13 qańtarda Qara teńiz akvatoriiasynda, KQK teńiz terminaly mańynda Qazaqstannyń eksporttyq munaiyn tasymaldaýǵa qatysqan eki kemede tirkelgen keleńsiz oqiǵalar týraly aqparatty resmi túrde rastady.
"Malta týymen júrgen "Matilda" tankeri "QazMunaiGaz" ulttyq kompaniiasynyń qosalqy uiymy arqyly jalǵa alynǵan jáne ushqyshsyz ushý apparaty shabýylyna ushyraǵany rastaldy. Kemede jarylys tirkelgenimen, órt shyqpaǵan. Ekipaj arasynda zardap shekkender joq. Tehnikalyq qyzmetterdiń aldyn ala baǵalaýyna sáikes tanker teńizde júzýge qabiletti, kemeniń korpýsynda asa qaýipti zaqym anyqtalmaǵan", - dep jazylǵan habarlamada.
Sonymen qatar, ministrlik málimetinshe, Liberiia týymen júrgen "Delta Harmony" tankeri de ushqyshsyz ushý apparaty shabýylyna ushyraǵany rastalǵan. Saldarynan órt shyǵyp, jedel sóndirilgen. Ekipaj músheleri zardap shekken joq.
"Operativtik shtab derekterine sáikes oqiǵa kezinde kemege munai tieý jumystary júrgizilmegen, júk tsisternalary bos bolǵandyqtan, Qazaqstan Respýblikasynyń eksporttyq resýrstaryna ziian kelmegen.
Energetika ministrligi logistikalyq tizbekterdiń qaýipsizdigin qamtamasyz etý jáne eksporttyq jetkizilimderdiń úzdiksiz jumysyn qamtamasyz etý maqsatynda "QazMunaiGaz" ulttyq operatorymen, konsortsiým ákimshiligimen jáne kemelerdiń ielerimen is-qimyldardy jedel túrde úilestirip otyr", - dep jazylǵan habarlamada.
Eske salaiyq, buǵan deiin "QazMunaiGaz" ulttyq kompaniiasy da Kaspii qubyr konsortsiýmy terminalyndaǵy oqiǵaǵa pikir bildirdi.
