Qazaq múddesine nuqsan keltiretin kelisimderge eshqashan jol bermeimiz – Toqaev
Syrtqy ister ministrligi alqasynyń keńeitilgen otyrysynda Toqaev jetekshi álemdik derjavalarmen jáne yqpaldy memlekettermen teń quqyly ekenin, sondai-aq ózara tiimdi yntymaqtastyq týraly sóz etti.
"Ósip kele jatqan geosaiasi teketires jaǵdaiynda Qazaqstan eshkimge qarsylyq kórsetpeidi jáne halyqaralyq daýlarǵa ózin aralastyrýǵa jol bermeidi. Biz óz jolymyzdy naqty belgilep aldyq: biz pragmatizmge negizdelgen qalypty jáne salmaqty syrtqy saiasatty júrgizip kelemiz. Osy oraida óz tarapymyzdan ekijaqty jáne kópjaqty mindettemelerdi oryndaýǵa daiynbyz", - dedi Qazaqstan Prezidenti.
Toqaev daýly máseleler týyndaǵan jaǵdaida Qazaqstan ulttyq múddelerdi tolyq esepke alý negizinde aqylǵa qonymdy sheshimder qabyldaýǵa umtylatynyn qosyp ótti.
"Biz táýelsizdik, egemendik, shekaranyń myzǵymastyǵy men aýmaqtyq tutastyǵy siiaqty biz úshin qasietti qundylyqtarǵa nuqsan keltiretin kez kelgen kelisimderge eshqashan jol bermeimiz. Eń aldymen biz Qazaqstannyń múddesin tabandy túrde qorǵaýymyz kerek", - dep túiindedi Qasym-Jomart Toqaev.
Sonymen qatar el prezidenti osy otyrysta Qazaqstan kásipkerleriniń múddesi kórshi elderdiń naryǵynda oidaǵydai qorǵalmai otyrǵanyn aitqan bolatyn.
