Qasym-Jomart Toqaev myrzaǵa
Qazaqstan Respýblikasynyń premer-ministri
Álihan Smailov myrzaǵa
Aqparat jáne qoǵamdyq damý ministri
Asqar Ýmarov myrzaǵa
Qazir qoǵamda tótenshe jaǵdailardan, qantógisti oqiǵalardan keiin bizdiń quqyq qorǵaý oryndarynyń kóp jaǵdaida asyra silteýge, tek aiyptaý men jazalaýǵa baryp jatqany jii aitylyp jatyr.
Al munyń qoǵamda, halyqaralyq deńgeide teris pikir týǵyzatynyn, halyqtyń narazylyǵyn qaitadan órshitetinin, tipti halyq pen kúshtik qurlymdardyń arasyna jik salatynyn eskere bermeitini ókinishti.
Buqaralyq aqparat quraldary týraly zańda kórsetilgenindei, jýrnalist kýáligin, aiyrym belgisin kórsetý arqyly dúlei zilzalalar aýdanynda, beibit jinalystarda, sondai-aq qoǵamdyq, toptyq jáne jeke múddelerdi bildirýdiń ózge de nysandary kezinde bolýǵa quqyly.
Elimizdiń ártúrli aimaqtarynda bolǵan, myńdaǵan adamdar qatysqan jiyndardan, mitingileren aqparat taratqan, kásibi mindetterin atqarǵan jýrnalister men blogerler zańmen qorǵalýy tiis.
Jýrnalisterdiń zańdy kásiptik qyzmetine kedergi jasaý QR zańdarynda belgilengen jaýaptylyqqa ákep soǵatynyn bile tura, politsiia, prokýratýra qyzmetkerleri jýrnalisterdiń jumysyna kedergi keltirýge, óziniń azamattyq kózqarasyn ashyq aitqany úshin qýdalaýǵa ushyratýy burynnan jalǵasyp kele jatyr. «Estitin memleket» qaǵidasyna sai osy kereǵarlyqa tosqaýyl qoiylsa.
Eskiden qalǵan bul ádetti toqtatpaiynsha, shynaiy sóz bostandyǵyna, demokratiiaǵa jol ashylmaidy.
Osy rette Almatyda jáne kóp qalalarda bolǵan beibit sherýlerge jeke azamattyq ustanymyn kórsetip qatysqan jáne de sherýler barysynan habar taratyp, óziniń kásibi qyzmetin istegen jýrnalister arasynda qamaýǵa alynǵan áriptesterimiz týraly aimaqtardan habarlar kelip jatyr.
Bul – jýrnalister qaýymyn alańdatyp otyr.
Elimizde bolǵan oqiǵalar kezinde óziniń kásibi qyzmeti barysynda jáne jeke azamattyq kózqarasyn beibit bildirý kezinde ustalǵan jýrnalisterge qatysty isterdiń ádil tergelýin suraimyz!
Eger qamaý alynǵan jýrnalisterge qandai da bir aiyp taǵylmaǵan bolsa, ustaý merzimi 48 saǵattan assa, olardyń bosatylýyn curaimyz!
Elde bolǵan oqiǵalar kezinde ustalǵan jýrnalister taǵdyryna ýákiletti organ – aqparat jáne qoǵamdyq damý ministrliginiń arasha túsýin jáne olarǵa qatysty qozǵalǵan isterdiń ádil ári ashyq bolýyn nazarynda ustaýyn ótinemiz!
Barsha áriptester men BAQ-ty oqiǵalar kezinde ustalǵan áriptesterimizdi qoldaýǵa shaqyramyz!
“Qazaq Media Assosatsiiasy” zańdy tulǵalar birlestigi
Birlestik quramyna enetin BAQ basshylary:
dalanews.kz
7kun.kz
malim.kz
arasha.kz
qazaqtimes.kz
baribar.kz
abai.kz
adyrna.kz
ult.kz
Bugin.kz
Kznews.kz
