Qazaq kinosynyń kemshiligi...
Dál qazir Arýjan Jazylbekova Reseide “Altyn Orda” atty filmniń túsirilim jumystaryna qatysyp jatyr. Aktrisa atalǵan filmde basty rólderdiń birin somdaidy.
– Búgin reseilik “Altyn Orda” jobasynyń alǵashqy túsirilimi. Birinshi arnaǵa arnap túsirilim jatyr. Men basty rólderdiń birin somdaimyn. Ózime ózim sene alar emespin. Meni shymshyp alyńyzdarshy. Nemese valerianka berińizdershi, – deidi Arýjaz Jazylbekova.
Munymen qatar, aktrisa atalǵa elde júrip “Komediialyq telehikaianyń kreativti ónimdiligi” atty master-klassqa qatysqan. Ol sabaqtan alǵan tájiribesin bólisip, Qazaqstandaǵy kino salasynyń áldeqaida artta qalǵanyn jetkizdi.
– Ózimniń ne sebepti barǵanymdy bilmeimin. Biraq oda turǵan ne bar. Akterler de kóp nárseni bilgisi keledi. Konstantin Maier kreativti prodiýser, TNT arnasyndaǵy “Fizrýk” telehikaiasynyń kreativti prodiýseri. Sabaq barasynda bir taqyrypqa asa qyzyqtym. Jalpy kino salasynda “Túsirimilim alańyndaǵy avtor” degen uǵym bar. Ol túsirilim alańyna kelip, ázil-qaljyńnyń qanshalyqty ótimdi aitylyp jatqanyn baqylaidy. Montaj avtory da óz jumysyn jasap otyryp osy áreketti qaitalaidy. Nege bizdiń avtorlar men stsenariishiler bulai jasamaidy? Sonda rejisserdiń nemese akterdiń berilgen ázildi qalai jetkizetini mańyzdy emes pe? Bir kezderi stsenariiin 10 adam qatar otyryp jazǵan telehikaiaǵa túsken bolatynmyn. Bir kúni olardyń barlyǵy túsirilim alańyna keldi. Al ne isteginin bilesizder me? Eshteńe! Tipti akterlermen de tanysqan joq! – deidi aktrisa. Jazylbekovanyń bul sózderin áriptesi Daria Verbova da qoshtai tústi.
