ءدال ءقازىر ارۋجان جازىلبەكوۆا رەسەيدە “التىن وردا” اتتى ءفيلمنىڭ ءتۇسىرىلىم جۇمىستارىنا قاتىسىپ جاتىر. اكتريسا اتالعان فيلمدە باستى رولدەردىڭ ءبىرىن سومدايدى.
– بۇگىن رەسەيلىك “التىن وردا” جوباسىنىڭ العاشقى ءتۇسىرىلىمى. ءبىرىنشى ارناعا ارناپ ءتۇسىرىلىم جاتىر. مەن باستى رولدەردىڭ ءبىرىن سومدايمىن. وزىمە ءوزىم سەنە الار ەمەسپىن. مەنى شىمشىپ الىڭىزدارشى. نەمەسە ۆالەريانكا بەرىڭىزدەرشى، – دەيدى ارۋجاز جازىلبەكوۆا.
مۇنىمەن قاتار، اكتريسا اتالعا ەلدە ءجۇرىپ “كومەديالىق تەلەحيكايانىڭ كرەاتيۆتى ونىمدىلىگى” اتتى ماستەر-كلاسسقا قاتىسقان. ول ساباقتان العان تاجىريبەسىن ءبولىسىپ، قازاقستانداعى كينو سالاسىنىڭ الدەقايدا ارتتا قالعانىن جەتكىزدى.
– ءوزىمنىڭ نە سەبەپتى بارعانىمدى بىلمەيمىن. ءبىراق ودا تۇرعان نە بار. اكتەرلەر دە كوپ نارسەنى بىلگىسى كەلەدى. كونستانتين مايەر كرەاتيۆتى پروديۋسەر، تنت ارناسىنداعى “فيزرۋك” تەلەحيكاياسىنىڭ كرەاتيۆتى پروديۋسەرى. ساباق باراسىندا ءبىر تاقىرىپقا اسا قىزىقتىم. جالپى كينو سالاسىندا “ءتۇسىرىمىلىم الاڭىنداعى اۆتور” دەگەن ۇعىم بار. ول ءتۇسىرىلىم الاڭىنا كەلىپ، ءازىل-قالجىڭنىڭ قانشالىقتى ءوتىمدى ايتىلىپ جاتقانىن باقىلايدى. مونتاج اۆتورى دا ءوز جۇمىسىن جاساپ وتىرىپ وسى ارەكەتتى قايتالايدى. نەگە ءبىزدىڭ اۆتورلار مەن سەنارييشىلەر بۇلاي جاسامايدى؟ سوندا رەجيسسەردىڭ نەمەسە اكتەردىڭ بەرىلگەن ءازىلدى قالاي جەتكىزەتىنى ماڭىزدى ەمەس پە؟ ءبىر كەزدەرى سەنارييىن 10 ادام قاتار وتىرىپ جازعان تەلەحيكاياعا تۇسكەن بولاتىنمىن. ءبىر كۇنى ولاردىڭ بارلىعى ءتۇسىرىلىم الاڭىنا كەلدى. ال نە ىستەگىنىن بىلەسىزدەر مە؟ ەشتەڭە! ءتىپتى اكتەرلەرمەن دە تانىسقان جوق! – دەيدى اكتريسا. جازىلبەكوۆانىڭ بۇل سوزدەرىن ارىپتەسى داريا ۆەربوۆا دا قوشتاي ءتۇستى.
