Forýmnyń ashylýynda Túrki memleketteri uiymynyń Bas hatshysy Baǵdad Ámireev Buhara qalasyna «Túrki álemi jastar bastamalarynyń alǵashqy astanasy» mártebesin berý týraly resmi sertifikatty tapsyrdy.
Forým jumysyna Qazaqstan Respýblikasy atynan quramynda Prezident janyndaǵy jastar saiasaty jónindegi keńestiń músheleri, «Táýelsizdik urpaqtary» grantynyń iegerleri, mýzyka, sport, kreativti indýstriia jáne IT salalarynda jetistikke qol jetkizgen talantty jastar bar delegatsiia qatysty.
– Forým jumysy qoǵam, ǵylym, mádeniet jáne media jobalar - 4 ózekti baǵyt boiynsha júrgizildi. Is-sharada jas kóshbasshylar ózderiniń eń úzdik jobalaryn tanystyrdy. Úzdik spikerlerdiń qatarynda «Aѕag-Ume» qaiyrymdylyq qorynyń jetekshisi Ashat Nurmashev pen «Laif-niýs» áleýmettik jobasynyń jetekshisi Dinara Naýmova boldy.
A.Nurmashev baspanaǵa muqtaj jandarǵa qoldaý kórsetetin «Aѕag-Ume» qaiyrymdylyq qorynyń qyzmetimen tanystyryp, bul qor halyqtyń kómegimen jinalǵan qarajatqa turǵyn úige muqtaj adamdardy baspanamen qamtamasyz etetinin aitty.
Sonymen qatar, bul kúnderi «Túrki áleminiń jastar saiabaǵy» jáne «Buhara – túrki áleminiń jastar bastamalarynyń alǵashqy astanasy» monýmenti ashyldy.
Aita keteiik, Jas kóshbasshylar forýmy týrizmdi damytý, memleketter arasyndaǵy yntymaqtastyqty nyǵaitý jáne tájiribe almasý maqsatynda 2018 jyldan beri dástúrli túrde ótkizilip keledi.
Osy ýaqytqa deiin forým Ázirbaijan, Qazaqstan jáne Qyrǵyzstan siiaqty elderde ótti. Forým aiasyndaǵy is-sharalar men kezdesýlerge barlyǵy 10 myńnan astam jas qatysty. Kelesi forým Túrkiianyń Býrsa qalasynda ótedi dep kútilýde.
Eske sala keteiik, jalpy Túrki áleminde 2022 jyl «Jastar bastamalaryn qoldaý jyly» uranymen ótip jatyr.
