Jańa jel qondyrǵysy kúnine 8 kVt-qa deıin qýat kózin óndiretin múmkindikke ıe. Al sý sorǵy tereńdigi 40 metrdegi sý kózderin erkin jer betine shyǵarady.
Ǵalym óziniń ǵylymı jumysy jaıyndaǵy jazbasynda oılap tapqan sý sorǵysy jer asty kenishterindegi sýdy syrtqa soryp shyǵarýǵa jáne ortalyqtan shet jatqan malshylar tórt túlikke qajetti sýdy qudyqtan erkin sorý úshin taptyrmas qural ekenin aıtqan. Sondaı-aq, ol óziniń ǵylymı eńbegin patenttep, tájirıbelik nusqasyn daıyndap qoıǵanyn da aıta ketýimiz kerek.
Maman ózi jasap shyǵarǵan qondyrǵylary Qazaqstan terıtorıasynyń 80-85 aımaǵynda erkin paıdalanýǵa bolatynyn alǵa tartýda. Jelden qýat kózin óndiretin qondyrǵy jeldiń eń tómengi jyldamdyǵy 3 m/s bolǵan jaǵdaıda da qýat kózin óndiretinimen erekshelenedi. Al sý sorýǵa arnalǵan qondyrǵy 2,5 m/s jel kezinde de jumys isteı beredi. Sondyqtan qos qondyrǵyny ortasha jel aǵymy 3,0-5,5 m/s bolatyn aımaqtarda erkin paıdalanýǵa bolady.
