Qazaq jigiti 2021 jylǵy "Úzdik remiks" nominatsiiasynda top jardy.
"Eń aldymen ata-anama alǵys aitamyn. "Gremmi" úshin rahmet! Óner adamyna budan asqan baqyt joq", – dedi Imanbek Zeikenov.
Mýzykalyq premiianyń 63-shi sharasy onlain ótti. Aita ketelik Imanbek mundai mártebeli nominatsiiaǵa usynylǵan ári ony jeńip alǵan alǵashqy qazaq.
Roses ániniń remiksin jasaǵan Imanbektiń áni 20 apta boiy Billboard Hot 100 chartyndaǵy úzdik TOP-10 týyndynyń qatarynda júrdi. Apple Music TOP-10-yna kirdi. Uzaq ýaqyt boiyna "Iandeks.Mýzykanyń" tiziminde top bastady.
Tanymal bolǵanǵa deiin Imanbek Pavlodar oblysy, Aqsý aýdanynda temirjolshy bolyp istedi. Bos ýaqytyn mýzyka ónerin meńgerýge arnady. Aitýynsha qazir temirjoldan ketip qalǵan, birjolata shyǵarmashylyqqa kóshýdi jón kóripti.
Buǵan deiingi suhbatynda qazaq didjeii óziniń "Gremmige" usynylǵanyn habarlaǵan tyńdarmandardyń sózine senbegenin aitqan edi.
"Alǵashynda ázil dep oiladym. Munshalyqty mártebeli baiqaýdyń nominanty atanamyn dep kútkem joq. Alaida bul jaiynda aqparat quraldary habarlaǵannan keiin shyndyq ekenine kózim jetti. Muny estigende airan-asyr boldym", – degen edi qazaq didjeii.
https://www.youtube.com/watch?v=Du4WMOS2-sA
https://youtu.be/2zToEPpFEN8
