قازاق جٸگٸتٸ 2021 جىلعى "ٷزدٸك رەميكس" نوميناتسيياسىندا توپ جاردى.
"ەڭ الدىمەن اتا-اناما العىس ايتامىن. "گرەممي" ٷشٸن راحمەت! ٶنەر ادامىنا بۇدان اسقان باقىت جوق", – دەدٸ يمانبەك زەيكەنوۆ.
مۋزىكالىق پرەمييانىڭ 63-شٸ شاراسى ونلاين ٶتتٸ. ايتا كەتەلٸك يمانبەك مۇنداي مەرتەبەلٸ نوميناتسيياعا ۇسىنىلعان ەرٸ ونى جەڭٸپ العان العاشقى قازاق.
Roses ەنٸنٸڭ رەميكسٸن جاساعان يمانبەكتٸڭ ەنٸ 20 اپتا بويى Billboard Hot 100 چارتىنداعى ٷزدٸك توپ-10 تۋىندىنىڭ قاتارىندا جٷردٸ. Apple Music توپ-10-ىنا كٸردٸ. ۇزاق ۋاقىت بويىنا "ياندەكس.مۋزىكانىڭ" تٸزٸمٸندە توپ باستادى.
تانىمال بولعانعا دەيٸن يمانبەك پاۆلودار وبلىسى, اقسۋ اۋدانىندا تەمٸرجولشى بولىپ ٸستەدٸ. بوس ۋاقىتىن مۋزىكا ٶنەرٸن مەڭگەرۋگە ارنادى. ايتۋىنشا قازٸر تەمٸرجولدان كەتٸپ قالعان, بٸرجولاتا شىعارماشىلىققا كٶشۋدٸ جٶن كٶرٸپتٸ.
بۇعان دەيٸنگٸ سۇحباتىندا قازاق ديدجەيٸ ٶزٸنٸڭ "گرەمميگە" ۇسىنىلعانىن حابارلاعان تىڭدارمانداردىڭ سٶزٸنە سەنبەگەنٸن ايتقان ەدٸ.
"العاشىندا ەزٸل دەپ ويلادىم. مۇنشالىقتى مەرتەبەلٸ بايقاۋدىڭ نومينانتى اتانامىن دەپ كٷتكەم جوق. الايدا بۇل جايىندا اقپارات قۇرالدارى حابارلاعاننان كەيٸن شىندىق ەكەنٸنە كٶزٸم جەتتٸ. مۇنى ەستٸگەندە ايران-اسىر بولدىم", – دەگەن ەدٸ قازاق ديدجەيٸ.
https://www.youtube.com/watch?v=Du4WMOS2-sA
https://youtu.be/2zToEPpFEN8
