Qazaqstan syrtqy ister ministri Muhtar Tileýberdi basylymdarǵa jariialaǵan maqalasynda álem elderin BUU-nyń júz jyldyǵyn qarai, iaǵni 2045 jylǵa deiin iadrolyq qarýdan bas tartý josparyn jasaýǵa shaqyrdy.
"Biz barlyq memleketti, sonyń ishinde iadrolyq derjavalardy BUU-nyń 100 jyldyǵyna qarai 2045 jylǵa qarai iadrolyq qarýdy tolyǵymen joiýdyń kezeńdik josparyn ázirleýge shaqyramyz. Osy maqsatqa jetý jónindegi usynystar men kelisimder eki taraptyń da Iadrolyq qarýǵa tyiym salý týraly sharttyń birinshi konferentsiiasy jáne sholý konferentsiiasy qorytyndy qujattarynda kórinis tabýy múmkin" edi Tileýberdi maqalasynda.
Qazaqstan syrtqy ister ministri maqalasyn 21-23 maýsymda Venada ótetin Iadrolyq qarýǵa tyiym salý týraly shartqa qol qoiǵan elderdiń alǵashqy kezdesýi qarsańynda jariialady.
"BUU bas hatshysy Antoniý Gýtterish qazir álemde shamamen 13400 iadrolyq jarylǵysh zat baryn atap ótti. Qazir iadrolyq qarýdy qoldaný qaýpi artty.
Ýkrainadaǵy áskeri qaqtyǵys kezinde iadrolyq qarý qoldaný týraly sóz shyǵyp jatyr, demek bizge birigip adamzatqa qaýip tóndiretin qorqynyshty qarýǵa tyiym salý jáne joiýdy oilaýymyz kerek"
dep jazdy Tileýberdi.
Álemde iadrolyq qarý qoldaný qaýpi Ýkrainadaǵy soǵys kezinde qaita tóndi. Resei prezidenti Vladimir Pýtin aqpanda zymyran-iadrolyq kúshterin kúsheitilgen rejimge kóshirýge buiryq bergen.
Osydan soń sarapshylar Ýkrainadaǵy soǵysta sátsizdikke ushyraǵan ári Batys sanktsiiasyna tap bolǵan Resei áskeri qaqtyǵysta iadrolyq qarý qoldana ma dep alańdaǵan edi.
Qazaqstan men Ýkraina Sovet odaǵy qulaǵan soń iadrolyq qarýynyń basym bóliginen bas tartqan edi, Al 1993 jyly Qazaqstan Iadrolyq qarýdy taratpaý týraly kelisimge qosylǵan edi.
https://dalanews.kz/ekonomika/78824-2030-zhyl-dal-osy-zhyly-ulttyq-qordagy-qarzhy
https://dalanews.kz/del-qazir/78804-bolat-nazarbaevqa-ay-sayyn-300-myng-doll
https://dalanews.kz/bas-takyryp/69459-onyng-oyy-reseydi-ydyratu-kreml-tag
https://dalanews.kz/del-qazir/78610-akimder-reytingi-bir-gramota-tapsyry
