Qazaq batyrlary Alakóldiń sýymen jaraqytanyn aiyqqan
Alakóldiń emdik qasieti bar sýy Keńes Odaǵy kezinde ǵarysh saparynan soń ǵaryshkerlerdiń meditsinalyq qaita qalpyna keltirýiniń birden-bir kezeńi retine paidalanylǵany belgili.
Kezdesýge qatysqan Qazaqstannyń Halyq qaharmany, aviatsiia general-leitenanty, ǵaryshker Senat depýtaty Talǵat Musabaev, keńes ǵaryshkeri, Keńes Odaǵynyń batyry Anatolii Artsebarskii, Qazaqstan jáne Resei ǵaryshkeri, polkovnik, Qazaqstannyń Halyq qaharmany jáne Resei Federatsiiasynyń qaharmany Iýrii Malenchenko Alakóldiń qasietijaiynda áńgimelep berdi.
– Alakóldiń sýyn qazaqtyń batyrlary erte zamannan beri jońǵarlarmen shaiqastan keiin emdelý úshin qoldanǵan degen ańyz bar. Keibiriniń aitýynsha, osy aimaqta álsiregen jáne jaraqattanǵan jaýyngerlerin emdeý úshin Shyńǵys han túmenderimen kelip otyrǵan. Osy ańyzdardyń barlyǵyn keńes ǵaryshkerleriniń ǵarysh radiiatsiiasynan tazarý men sapardan keiingi meditsinalyq qaita qalpyna keltirý kezeńderiniń birin Alakólde ótkizgeni týraly tarihi derekter rastaidy dese bolady, – deidi QR Mádeniet jáne sport ministrliginiń Týrizm indýstriiasy komitetiniń tóraǵasy Mainiýra Mýrzamadieva.
Ertede ǵaryshqa sapardan keiingi qaita qalpyna keltirý sharalary kóldiń shyǵys jaǵalaýynda ótkizilgeni belgili.
Biraq, osy joly Mádeniet jáne sport ministrligi men «Kazakh Tourism» Ulttyq kompaniiasy Almaty oblysynyń ákimdigi qoldaýymen ǵarysh ardagerlerine kóldiń ońtústik jaǵalaýyn kórsetýdi qolǵa alǵan.
– Biz bul sharany ǵaryshkerlerdiń Alakólge barý saltyn qaita jańǵyrtý úshin uiymdastyryp otyrmyz. Tarihi derekter boiynsha olardyń ǵaryshqa sapardan keiingi qaita qalpyna keltirýi Shyǵys Qazaqstan jaǵyndaǵy jaǵalaýda ótse de, osy joly biz ǵaryshkerlerge Almaty oblysyndaǵy jaǵalaýdy kórsetkimiz keldi, – dep atap ótti «Kazakh Tourism» aqparatty-saraptamalyq departamentiniń direktory Batyr Qonaqbaev.
Ǵaryshkerlerdiń baǵdarlamasy saýyqtyrý protsedýralaryn, SPA jáne belsendi demalys túrlerin qamtidy.
– Quramynda radon, silti jáne basqa da paidaly elementeri bar Alakóldiń emdik sýy teri jáne tirek-qimyl júiesimen bailanysty aýrýlardy emdeýge, júike júiesi men aǵzanyń jalpy kúiin jaqsartýǵa áser etedi, – dep tolyqtyryp ótti Almaty oblysy týrizm basqarmasynyń basshysy Janar Alshymbaeva.
Ǵaryshkerlerdiń aitýynsha shipajailyq-kýrorttyq saýyqtyrý olardyń kásibi qyzmetin jalǵastyrý úshin qajetti jáne ǵarysh saparynan keiingi qalpyna kelýdiń qorytyndy kezeńi bolyp tabylady.
