Aspan asty eliniń Shańhaı qalasynda ótken «Jas ǵalymdar» baıqaýynda qytaıda turatyn qandasymyz Talant Bekturuly talantymen tańdaı qaqtyryp, baıqaýdyń kelesi kezeńine joldama aldy.

Ózin «kıiz úıde týyp, at jalynda ósken qazaqpyn» dep tanystyrǵan Talant bıyl 15 jasta, İle aımaǵyndaǵy Narat jaılaýynda týǵan. Ákesi sol óńirdegi mal dárigeri. Ákesin aýyr jumystyń azbynan azda bolsa aryltý maqsatynda Talant qolaıly shprıs oılap tapqan. Onyń ereksheligi bir malǵa vaksına salǵannan keıin shprıs ınesin dezınfeksıalap ýaqyt jumsamaısyz, maldyń denesinen ıneni sýyryp alǵanda avtomatty túrde dezınfeksıalap otyrady, osylaı ýaqytty da, adam energıasyn da  únemdeýge boldy.

Talanttyń talantyna tańdaı qaqqan sarapshylardyń biri bul jobanyń álide kemeldenip, paıdalanýǵa berilýine kómektesýge nıetti ekenin aıtty.

 

https://www.youtube.com/watch?v=wa089On4rvA

 

Derekkózi: jezbuyda.kz