– Animatsiia óneri arqyly óskeleń urpaqty tárbieleý – ulttyq «Rýhani jańǵyrý» jobasynyń mańyzdy mindetteriniń biri. Ózderińizge málim, alǵashqy qazaq mýlttýyndysynyń jaryq kórgenine biyl 54 jyl toldy. Osy ýaqyt ishinde ulttyq animatsiianyń jetken jetistigi de, kóterilgen biigi de az emes.
Eń bastysy, talai talanttar ósip, ulttyq mektep qalyptasty. Dese de, zaman kóshi ilgeri ketýde. Oǵan ilesý úshin bizdiń elimizde barlyq múmkindik bar. Bilimi men biligi mol shyǵarmashyl jastar, mamandyq násibin paidaly kásipke ainaldyrǵan jekemenshik stýdiialar, jańa ideialar men tyń bastamalar jáne, eń bastysy, osy eńbekti tutynýǵa daiyn ulan-ǵaiyr el, jasampaz aýditoriia bar, – dep atap ótti vitse-ministr.
– Sondyqtan da kelesi jyldan bastap, jańadan qabyldanǵan ulttyq joba aiasynda «Qazaqfilm» kinostýdiiasy janynan «Qazaq animatsiia» shyǵarmashylyq birlestigi óz jumysyn bastaityn bolady. Onyń negizgi mindeti – ulttyq animatsiia naryǵynda júrgen shyǵarmashyl toptarǵa bir ortalyqtan qoldaý bolyp, otandyq ónimniń órisin keńeitý úshin jaǵdai jasaý. Ekinshiden, animatsiia ónerin tek balalar kontenti retinde emes, kino men jarnamanyń, kompiýterlik oiyndar men veb-kommýnikatsiia tiline ainaldyrý arqyly tolyqqandy ulttyq aqparattyq resýrs qalyptastyrý. Úshinshiden, árine álemdik mýltindýstriia ókilderi men onyń ishinde búgingi festivalge qatysyp otyrǵan sheteldik áriptestermen de tyǵyz bailanys ornatyp, qazaq animatsiiasyn halyqaralyq dárejege kóterý, – dedi B.Tilepov.
Eske salsaq, 29-30 qazan kúnderi Túrkistanda Qazaqstan, Ázerbaijan, Bashqurtstan (RF), Qyrǵyzstan, Ózbekstan, Tatarstan (RF), Tájikstan men Túrkiianyń bilikti mýltiplikatorlaryn bir alańǵa jiǵan ÁMEN animatsiialyq kinofestivali ótip jatyr.
