– انيماسيا ونەرى ارقىلى وسكەلەڭ ۇرپاقتى تاربيەلەۋ – ۇلتتىق «رۋحاني جاڭعىرۋ» جوباسىنىڭ ماڭىزدى مىندەتتەرىنىڭ ءبىرى. وزدەرىڭىزگە ءمالىم، العاشقى قازاق مۋلتتۋىندىسىنىڭ جارىق كورگەنىنە بيىل 54 جىل تولدى. وسى ۋاقىت ىشىندە ۇلتتىق انيماسيانىڭ جەتكەن جەتىستىگى دە، كوتەرىلگەن بيىگى دە از ەمەس.
ەڭ باستىسى، تالاي تالانتتار ءوسىپ، ۇلتتىق مەكتەپ قالىپتاستى. دەسە دە، زامان كوشى ىلگەرى كەتۋدە. وعان ىلەسۋ ءۇشىن ءبىزدىڭ ەلىمىزدە بارلىق مۇمكىندىك بار. ءبىلىمى مەن بىلىگى مول شىعارماشىل جاستار، ماماندىق ءناسىبىن پايدالى كاسىپكە اينالدىرعان جەكەمەنشىك ستۋديالار، جاڭا يدەيالار مەن تىڭ باستامالار جانە، ەڭ باستىسى، وسى ەڭبەكتى تۇتىنۋعا دايىن ۇلان-عايىر ەل، جاسامپاز اۋديتوريا بار، – دەپ اتاپ ءوتتى ۆيسە-مينيستر.
بولات تىلەپوۆ ءوز سوزىندە مەملەكەتتىك تاپسىرىستى تياناقتى رەتتەيتىن، ماقساتتى جۇمسايتىن جۇيە جوق ەكەنىن العا تارتتى. ۆيسە-مينيستر سول سەبەپتى انيماسيامەن اينالىساتىن شىعارماشىلىق توپتاردى قولداۋدىڭ جاڭا جۇيەسى پايدا بولاتىنىن حابارلادى.
– سوندىقتان دا كەلەسى جىلدان باستاپ، جاڭادان قابىلدانعان ۇلتتىق جوبا اياسىندا «قازاقفيلم» كينوستۋدياسى جانىنان «قازاق انيماسيا» شىعارماشىلىق بىرلەستىگى ءوز جۇمىسىن باستايتىن بولادى. ونىڭ نەگىزگى مىندەتى – ۇلتتىق انيماسيا نارىعىندا جۇرگەن شىعارماشىل توپتارعا ءبىر ورتالىقتان قولداۋ بولىپ، وتاندىق ءونىمنىڭ ءورىسىن كەڭەيتۋ ءۇشىن جاعداي جاساۋ. ەكىنشىدەن، انيماسيا ونەرىن تەك بالالار كونتەنتى رەتىندە ەمەس، كينو مەن جارنامانىڭ، كومپيۋتەرلىك ويىندار مەن ۆەب-كوممۋنيكاسيا تىلىنە اينالدىرۋ ارقىلى تولىققاندى ۇلتتىق اقپاراتتىق رەسۋرس قالىپتاستىرۋ. ۇشىنشىدەن، ارينە الەمدىك مۋلتيندۋستريا وكىلدەرى مەن ونىڭ ىشىندە بۇگىنگى فەستيۆالگە قاتىسىپ وتىرعان شەتەلدىك ارىپتەستەرمەن دە تىعىز بايلانىس ورناتىپ، قازاق انيماسياسىن حالىقارالىق دارەجەگە كوتەرۋ، – دەدى ب.تىلەپوۆ.
ەسكە سالساق، 29-30 قازان كۇندەرى تۇركىستاندا قازاقستان، ازەربايجان، باشقۇرتستان (رف)، قىرعىزستان، وزبەكستان، تاتارستان (رف)، تاجىكستان مەن تۇركيانىڭ بىلىكتى مۋلتيپليكاتورلارىن ءبىر الاڭعا جيعان ÁMEN انيماسيالىق كينوفەستيۆالى ءوتىپ جاتىر.
