Qazaqstanda kooperatsiialar printsipindegi respýblikanyń sharýa qojalyqtarynyń birigý protsessi qarqyn alýda. 2015 jyly «QazAgro» ulttyq holdingi shaǵyn jáne orta agrobiznes úshin nesie resýrstaryna qoljetimdilikti keńeitý maqsatynda aýylsharýashylyq taýar óndirýshilerin qarjylandyrýdyń jańa shemasyn ázirlep jáne pilottyq rejimde iske qosty. Usynylǵan sheshim kooperatsiialar men ortaq jaýapkershilik printsipterinde astyq óndirýshilerdi biriktirýdi boljaidy. Budan basqa, «QazAgronyń» bastamasy aýyldaǵy qarjylandyrý protsessine ekinshi deńgeili bankterdi belsendi tartýdy yntalandyrady.
«QazAgro» ulttyq basqarýshy holdingi» AQ Basqarýshy direktory Qanat Jaýymbaev aitqandai, sharýashylyqtardaǵy kepildik bazasynyń jetispeýshiligi, al keide sharýashylyqtarda kepildik bazasynyń tolyq bolmaýy kóptegen aýylsharýashylyq taýar óndirýshileriniń qarjy qarajatyn alýy kezinde qiyndyq týǵyzatyn basty sebepterdiń biri bolyp tabylady. Nesie resýrstarynyń jetispeýshiligi, aýyldaǵy shaǵyn jáne orta biznestiń basqa problemalarynyń – tehnikalyq álsiz jaraqtaný men óndiristiń usaq taýarlyǵynyń alǵysharttary bolady. «Osy máseleniń mańyzdy sheshimderiniń biri «QazAgronyń» kooperatsiialar printsipterindegi agrarlyq sharýashylyqtardy biriktirý jónindegi bastamasy boldy. Onyń máni, sharýalar birige otyryp nesie qarajattaryn alady, al olardyń qaitarylýynyń kepildigi kooperativ músheleriniń bir-biriniń aldyndaǵy jaýapkershiligi bolyp tabylady» - dedi Ulttyq holdingtiń ókili.
Ótken jyly úsh kooperativtiń bazasynda iske asyrylǵan joba, astyq óndirýshi- sharýashylyqtardy biriktirý jónindegi qozǵalysqa deiin ósti. Búginde respýblikada «QazAgronyń» qarjylai qoldaýymen 10 aýyldyq óndiristik kooprativter qurylyp jáne egistik jumystaryna kirisip ketti, olar eldiń tórt astyq sebýshi aimaqtarynda 222 sharýashylyqty biriktiredi.
«Ertis Agro» ÁKK kooperativiniń qyzmetiniń negizgi baǵyty – dándi, maily jáne azyqtyq daqyldardy óndirý men qaita óńdeý. Birlestik sharýashylyqtary bidai, arpa, qaraqumyq, zyǵyr jáne t.b. ósiredi. Kooperativtiń Basqarma tóraǵasy Erlan Toqtyshaqovtyń aitýynsha, birlestiktiń maqsaty – bul astyq klasteri men aýylda básekeles ortany qurý. Mindetterdi iske asyrý úshin ÁKK bolashaqtaǵy josparynda – egistik alańdaryn ulǵaitý, daqyldardy ósirý protsessine jańa tehnologiialardy engizý, kooperativ ósirgen ónimderdi saqtaýmen, qaita óńdeýmen bailanysty óndiristerdi kúshterin biriktirip qurý jáne onymen eksport naryqtaryna shyǵý. Kooperativtiń basshysy aitqandai, qarjy institýty retinde, «Ertis Agro» ÁKK áriptestik qatynasynyń negizinde «QazAgro» ulttyq holdingi jelisi boiynsha qarjylandyrýdy iske asyratyn operator bolyp «Bank RBK» AQ tańdaldy.
«Biz aýylsharýashylyq kooperativterin qarjylandyrý bank biznesindegi asa perspektivalyq baǵyt dep esepteimiz. Agrarlyq sektordy nesieleý qashanda joǵary táýekelmen bailanysty, sondyqtan kommertsiialyq bankter osyndai jobalarǵa saqtanyp qaraýǵa májbúr. «QazAgro» holdingimen usynylǵan shema fermerlerdiń birigýin yntalandyrady, osy rette nesie berýshi retindegi bankterdiń táýekelderi aitarlyqtai tómendeidi. Bankterdiń aýylsharýashylyq kooperativterimen tabysty yntymaqtastyǵynyń alǵashqy mysaldary eldiń barlyq aimaqtaryndaǵy fermerlerdi belsene biriktirýge ákeledi dep úmittenemiz, onyń nátijesinde otandyq agrarlyq sektor qajet kólemde qoljetimdi nesiemen qamtamasyz etiledi, al bankter aýylsharýashylyq taýar óndirýshilerin tartý esebinen klientter bazasyn birshama ulǵaita alady», – depatap ótti «Bank RBK» AQ Pavlodar oblysy boiynsha filialynyń direktory Raýshan Sekerbaeva.
«QazAgro» ulttyq holdingi kompaniialary tobymen aǵymdaǵy jylǵy kóktemgi-egis jumystarynyń barysynda egin egý jumystaryn júrgizý úshin jáne jalpy respýblikanyń agrarlaryn qoldaýǵa 60 mlrd.teńge biýdjettik nesie qarajaty baǵyttalǵanyn eske salamyz, ony qaryzdar túrinde Holding pen Ekinshi deńgeili bankter arasynda bólý boljanady. Búgingi kúngi jaǵdaida KEJ qarjylandyrý sheńberinde Holding kompaniiasyna respýblikanyń aýylsharýashylyq taýar óndirýshilerinen jalpy somasy shamamen 48 mlrd.teńgeniń 1 555 ótinimi kelip tústi. Túsken ótinimder sanynyń qazirgi ýaqytta 1 515 ótinishi maquldandy, onyń jiyntyq somasy 49,9 mlrd. teńgege 1 410 ótinimi boiynsha qarjylandyrý júzege asyryldy.
«QazAgro» Holdinginiń Buqaramen bailanys departamenti
