Qaraǵandy oblysynyń aýdandarynda qaıtarylǵan aktıvter esebinen 51 densaýlyq saqtaý nysany salynyp jatyr, - dep habarlaıdy Dalanews.kz
Úkimet Qaraǵandy oblysynda 51 medısınalyq mekemeniń qurylysyn aıaqtaýǵa Arnaýly memlekettik qordan 5,9 mlrd teńge bólý týraly sheshim qabyldady. Nysandar "Aýylda densaýlyq saqtaýdy jańǵyrtý" ulttyq jobasy aıasynda salynyp jatyr. Olardy jyl sońyna deıin paıdalanýǵa berý josparlanyp otyr.
"Shet, Aqtoǵaı, Abaı, Buqar jyraý, Qarqaraly, Nura jáne Osakarov aýdandarynda jańa dárigerlik ambýlatorıalar, sondaı-aq, feldsherlik-akýsherlik jáne medısınalyq pýnktter salynady. Olardy júzege asyrý shalǵaıdaǵy eldi mekenderdiń turǵyndary úshin medısınalyq qyzmetterdiń qoljetimdiligin arttyrýǵa baǵyttalǵan", - dep jazylǵan habarlamada.
Úkimettiń baspasóz qyzmeti málimetinshe, "Aýylda densaýlyq saqtaýdy jańǵyrtý" ulttyq jobasy aıasynda 655 nysannyń, sonyń ishinde medısınalyq jáne feldsherlik-akýsherlik pýnktter, dárigerlik ambýlatorıalar qurylysy josparlanǵan. Búginde 480 nysannyń qurylysy aıaqtalǵan.
