Bul týraly “Tumarym” baǵdarlamasynda aityldy dep jazady Stan.kz.
Gúlzira Aidarbekova osy ýaqytqa deiin tanymal ulynyń otbasy týraly aqparatty jasyryp keledi. Dese de, jurt Qairat Nurtastyń Juldyz esimdi jubaiy men tórt balasynyń bar ekenin aityp júr. Otandyq portaldardyń biri osylai aqparat bergen bolatyn. Osy oraida, prodiýser ulynyń otbasy týraly aqparatty joqqa shyǵara otyryp, bolashaq kelinderiniń boiynan tabylýy tiis qasietter týraly aityp berdi.
«Men úiime adal kelinniń kelgenin armandaimyn. Árbir ana ózinen keiin sol úidegi nemerelerge tárbie berse eken dep oilaimyn. Balalardyń baqytty bolýy tikelei áiel adamǵa bailanysty. Árbir jetistikke jetken er-azamattyń artynda ne áieli, ne anasy turady. Kelinim sondai saýatty, kishipeiil, qarapaiym bolǵanyn qalar edim», – deidi ol.
