Qairat Satybaldyuly qazaqstandyqtardan keshirim surady, - dep habarlaidy Dalanews.kz.
"Qurmetti sot,qadirli qazaq eli. Kez kelgen azamat úshin memleket múddesi bárinen biik bolýy tiis. Halqymyzda sóz bar: "Jańylmaityn jaq, súrinbeitin tuiaq bolmaidy" degen. Men jasaǵan qatelikterimdi moiyndaimyn. Maǵan qatysty qylmystyq is boiynsha memlekettik organdarǵa kómektesip, búkil zańsyz qarjyny qaitaryp jatyrmyn.
Elden zańsyz shyǵarylǵan aktivterdi qaitarý - eldiń yrysyn ózine qaitarý dep bilemin. Bul memleket basshysy qabyldaǵan mańyzdy sheshimderdiń biri. Mundaida kórgen soń, endigi eshkim eldiń yrysyn syrtqa shyǵarmaidy.
Memleketimizde sońǵy jyldary bolyp jatqan oń ózgeristerdi kórip, bilip otyrmyn. Osyndaida bárimiz bir jaǵadan bas, bir jeńnen qol shyǵaryp, birge jumys isteýimiz kerek. Men prezidenttiń júrgizip jatqan saiasatyn tolyq qoldaimyn.
Zańsyz kapitaldyń bári – tiynyna deiin elge qaitarylyp,zań men tártip bolýǵa tiis!
Halyqtan, kezinde tizem batqan, aqysyna kirgen adamdardan jáne Memleket basshysynan keshirim suraimyn.
Osyǵan deiin barlyq istegen is-áreketterimdi saralaýǵa, oi qorytýǵa ýaqyt jetkilikti boldy. Jibergen qateligimdi jáne kinámdi tolyqtai moiyndai otyryp, istegen isime ókinemin. Tergeý oryndarymen birlesip jumys júrgizildi. Zańsyz jolmen iemdengen aktivterdi tolyqtai qaitarý qajet boldy. Onyń barlyǵy qaitarylyp ta jatyr.
Memleket basshysynyń zańsyz aktivterdi memleketke qaitarý isi boiynsha júrgizip jatqan saiasatyn tolyqtai qoldaimyn. Meniń istegen isim basqalarǵa durys sheshim shyǵarý úshin sabaq bolady dep oilaimyn. Aǵattyq istep, renjitken adamdardan keshirim suraimyn", - deidi Satybaldyuly.
