قايرات ساتىبالدى ۇلى قازاقستاندىقتاردان كەشىرىم سۇرادى، - دەپ حابارلايدى Dalanews.kz. 

"قۇرمەتتى سوت،ءقادىرلى قازاق ەلى. كەز كەلگەن ازامات ءۇشىن مەملەكەت مۇددەسى بارىنەن بيىك بولۋى ءتيىس. حالقىمىزدا ءسوز بار: "جاڭىلمايتىن جاق، سۇرىنبەيتىن تۇياق بولمايدى" دەگەن. مەن جاساعان قاتەلىكتەرىمدى مويىندايمىن. ماعان قاتىستى قىلمىستىق ءىس بويىنشا مەملەكەتتىك ورگاندارعا كومەكتەسىپ، بۇكىل زاڭسىز قارجىنى قايتارىپ جاتىرمىن. 

ەلدەن زاڭسىز شىعارىلعان اكتيۆتەردى قايتارۋ - ەلدىڭ ىرىسىن وزىنە قايتارۋ دەپ بىلەمىن. بۇل مەملەكەت باسشىسى قابىلداعان ماڭىزدى شەشىمدەردىڭ ءبىرى. مۇندايدا كورگەن سوڭ، ەندىگى ەشكىم ەلدىڭ ىرىسىن سىرتقا شىعارمايدى. 

مەملەكەتىمىزدە سوڭعى جىلدارى بولىپ جاتقان وڭ وزگەرىستەردى كورىپ، ءبىلىپ وتىرمىن. وسىندايدا ءبارىمىز ءبىر جاعادان باس، ءبىر جەڭنەن قول شىعارىپ، بىرگە جۇمىس ىستەۋىمىز كەرەك. مەن پرەزيدەنتتىڭ جۇرگىزىپ جاتقان ساياساتىن تولىق قولدايمىن.

زاڭسىز كاپيتالدىڭ ءبارى – تيىنىنا دەيىن ەلگە قايتارىلىپ،زاڭ مەن ءتارتىپ بولۋعا ءتيىس!

حالىقتان، كەزىندە تىزەم باتقان، اقىسىنا كىرگەن ادامداردان جانە مەملەكەت باسشىسىنان كەشىرىم سۇرايمىن.

وسىعان دەيىن بارلىق ىستەگەن ىس-ارەكەتتەرىمدى سارالاۋعا، وي قورىتۋعا ۋاقىت جەتكىلىكتى بولدى. جىبەرگەن قاتەلىگىمدى جانە كىنامدى تولىقتاي مويىنداي وتىرىپ، ىستەگەن ىسىمە وكىنەمىن. تەرگەۋ ورىندارىمەن بىرلەسىپ جۇمىس جۇرگىزىلدى. زاڭسىز جولمەن يەمدەنگەن اكتيۆتەردى تولىقتاي قايتارۋ قاجەت بولدى. ونىڭ بارلىعى قايتارىلىپ تا جاتىر.

مەملەكەت باسشىسىنىڭ زاڭسىز اكتيۆتەردى مەملەكەتكە قايتارۋ ءىسى بويىنشا جۇرگىزىپ جاتقان ساياساتىن تولىقتاي قولدايمىن. مەنىڭ ىستەگەن ءىسىم باسقالارعا دۇرىس شەشىم شىعارۋ ءۇشىن ساباق بولادى دەپ ويلايمىن. اعاتتىق ىستەپ، رەنجىتكەن ادامداردان كەشىرىم سۇرايمىن"، - دەيدى ساتىبالدى ۇلى.