Belgili ánshi Qaırat Nurtas ustalyp, is qozǵaldy, dep habarlaıdy Dalanews.kz.
Aqparatty Joǵarǵy sottyń baılanys bólimi rastady.Ánshi usaq buzaqylyq jasaǵany úshin sotqa tartylǵan.
"Astananyń ákimshilik quqyqbuzýshylyqtar jónindegi mamandandyrylǵan aýdanaralyq sotyna ÁQBtK-niń 434-babynyń 2-bóligi (jyl ishinde qaıtalap jasalǵan usaq buzaqylyq) jáne ÁQBtK-niń 73-baptyń 1-1-bóligi (densaýlyqqa qasaqana jeńil zıan keltirý) boıynsha Q.A.-ǵa qatysty eki materıal kelip tústi", - dedi Tengrinews.kz-ke Joǵarǵy sottaǵylar.
Kóliktegi polısıa departamenti málimetinshe, Almaty-Astana baǵytyndaǵy avıareıs bortynda usaq buzaqylyq jáne densaýlyqqa qasaqana jeńil zıan keltirý deregi boıynsha ákimshilik is qozǵalyp, materıaldar qaraý úshin sotqa jiberildi.
Sotta is qashan qaralatyny qosymsha habarlanatyny aıtyldy.
