Qaırat 10 jylǵa jýyq jubaıy men balalary jaıly, eshbir janǵa tis jarmaǵan edi. Almatyda januıalyq konsertin ótkizgen ánshi, bul sátti uzaq kútkenin aıtady.
– Bul konsertke januıammen shyqqan sebebim, jurtqa januıamdy tanystyrý boldy. Januıamdy tanystyrdym, otbasymdy kórsettim, 10 jyl jasyrǵan áıelimdi kórsettim. Endi halyqtyń aldynda betim ashyq. Qudaıǵa shúkir endi kúnde sýretke túsip, kúnde maqtanamyn, – deıdi Qaırat.
Olaı bolsa, januıasymen jaqynyraq tanysaıyq. 10 jyl jasyrǵan jubaıy Juldyzdy búginde jurt jaqsy tanıdy. Qaırattyń tuńǵyshy Sezim osy jyly 10 jasqa tolady. Ekinshi qyzynyń esimi – Alaý! Bos ýaqytynda bı ónerimen shuǵyldanady eken.
Anasynan aýmaı qalǵan Narul, jarasamdy juptyń úshinshi balasy. Hıtmenniń kenjesi – Han esimdi balaqaı, ákesiniń aýzynan túsip qalǵandaı. Al, nemerelerin sahnaǵa shyǵarý prodúser Gúlzıra Aıdarbekovanyń ıdeıasynan týyndapty.
– Balalar sol konsertke barasyńdar degen kúnnen bastap, ózderiniń talǵamymen… Jańaǵy bireýi bı, bireýi pıanınosyn, bireýi ánin daıyndap, bári ózderiniń qalaýymen bizden buryn daıyndalyp, ákesine ózderiniń kómegin tıgizdi. Osylaısha nemerelerim bárimizdi qýantty, – deıdi Aıdarbekova.
– Áke bolyp úıde otyrǵyń keledi. Aqyl aıtqyń keledi. Otbasyńmen birge árqashanda qastaryńda bolǵyń keledi. Bireý aıtqan eken: «Traktorıst bolsa da, kúıeýim kúnde qasymda» – dep. Sol sıaqty men de kúnde qastarynda bolǵym keledi, – deıdi Qaırat.
Biraq, qos astanamyzda qatarynan 4 konsert ótkizgen Qaırattyń demalýǵa ýaqyty tapshy.
Derekkózi: stan.kz
