قازىرگى تاڭدا قازنەتتە قىزۋ تالقىعا تۇسكەن تاقىرىپتاردىڭ كوشىن، قايرات نۇرتاستىڭ جانۇياسى جايلى جاڭالىقتار باستاپ تۇر. وسى ۋاقىتقا دەيىن، وتباسىن كوپشىلىك كوزىنەن تاسادا ۇستاعان ءانشى ءۇشىن، 10 جىل بويى ولار جايلى ءتىس جارماۋ وڭايعا سوقپاعان. ەندى، حيتمەن قۇپيانىڭ بارلىعىن اشۋعا دايىن. بۇل تۋرالى نتك ارناسىنىڭ “ريەۆيۋ” باعدارلاماسىندا ايتىلدى.



قايرات 10 جىلعا جۋىق جۇبايى مەن بالالارى جايلى، ەشبىر جانعا ءتىس جارماعان ەدى. الماتىدا جانۇيالىق كونسەرتىن وتكىزگەن ءانشى، بۇل ءساتتى ۇزاق كۇتكەنىن ايتادى.

– بۇل كونسەرتكە جانۇياممەن شىققان سەبەبىم، جۇرتقا جانۇيامدى تانىستىرۋ بولدى. جانۇيامدى تانىستىردىم، وتباسىمدى كورسەتتىم، 10 جىل جاسىرعان ايەلىمدى كورسەتتىم. ەندى حالىقتىڭ الدىندا بەتىم اشىق. قۇدايعا شۇكىر ەندى كۇندە سۋرەتكە ءتۇسىپ، كۇندە ماقتانامىن، – دەيدى قايرات.

ولاي بولسا، جانۇياسىمەن جاقىنىراق تانىسايىق. 10 جىل جاسىرعان جۇبايى جۇلدىزدى بۇگىندە جۇرت جاقسى تانيدى. قايراتتىڭ تۇڭعىشى سەزىم وسى جىلى 10 جاسقا تولادى. ەكىنشى قىزىنىڭ ەسىمى – الاۋ! بوس ۋاقىتىندا بي ونەرىمەن شۇعىلدانادى ەكەن.

اناسىنان اۋماي قالعان نارۇل، جاراسامدى جۇپتىڭ ءۇشىنشى بالاسى. حيتمەننىڭ كەنجەسى – حان ەسىمدى بالاقاي، اكەسىنىڭ اۋزىنان ءتۇسىپ قالعانداي. ال، نەمەرەلەرىن ساحناعا شىعارۋ پروديۋسەر گۇلزيرا ايداربەكوۆانىڭ يدەياسىنان تۋىنداپتى.



– بالالار سول كونسەرتكە باراسىڭدار دەگەن كۇننەن باستاپ، وزدەرىنىڭ تالعامىمەن… جاڭاعى بىرەۋى بي، بىرەۋى پيانينوسىن، بىرەۋى ءانىن دايىنداپ، ءبارى وزدەرىنىڭ قالاۋىمەن بىزدەن بۇرىن دايىندالىپ، اكەسىنە وزدەرىنىڭ كومەگىن تيگىزدى. وسىلايشا نەمەرەلەرىم ءبارىمىزدى قۋانتتى، – دەيدى ايداربەكوۆا.

– اكە بولىپ ۇيدە وتىرعىڭ كەلەدى. اقىل ايتقىڭ كەلەدى. وتباسىڭمەن بىرگە ءارقاشاندا قاستارىڭدا بولعىڭ كەلەدى. بىرەۋ ايتقان ەكەن: «تراكتوريست بولسا دا، كۇيەۋىم كۇندە قاسىمدا» – دەپ. سول سياقتى مەن دە كۇندە قاستارىندا بولعىم كەلەدى، – دەيدى قايرات.

ءبىراق، قوس استانامىزدا قاتارىنان 4 كونسەرت وتكىزگەن قايراتتىڭ دەمالۋعا ۋاقىتى تاپشى.

 

دەرەككوزى: stan.kz