"Qairat" fýtbol klýbynyń burynǵy jattyqtyrýshysy Kirill Keker ómirden ótti, dep habarlaidy Dalanews.kz.
Bul týraly fýtbol klýby habarlady. Búgin 46 jasynda «Qairat» FK Akademiiasynyń jetekshisi Kirill Sergeevich Keker kútpegen jaǵdaida ómirden ótti.
"Bul — búkil klýb úshin orny tolmas aýyr qaiǵy. On jyldan astam ýaqyt «Qairat» júiesiniń ajyramas bóligi bolyp, qazaq fýtbolynyń damý baǵytyn aiqyndaýǵa atsalysqan adamnyń qazasy bárimizdi tereń kúizeltti. Kirill Sergeevich óz isine adal, talapshyl ári ádil maman edi. Jas oiynshylardyń múmkindigin ashyp, eń mańyzdy sátterde qoldaý kórsetýdi biletin naǵyz tálimger bolatyn. Onyń Akademiianyń, negizgi komandanyń, Qazaqstan jasóspirimder quramasynyń damýyna qosqan úlesi zor", - delingen habarlamada.
Ár jyldary klýb qurylymynda mańyzdy laýazym atqardy. 2022–2024 jyldary sary-qaralardyń negizgi komandasyn basqardy. 2025 jyly Akademiiaǵa jetekshilik etip, sonymen birge Qazaqstan U-19 quramasymen jumys istep, jańa býyn fýtbolshylaryn qalyptastyrýdy jalǵastyrdy.
