Qairat Boranbaevpen bailanysty Qaraǵandydaǵy farmatsevtikalyq zaýyt biýdjetke 105 million teńgeni qaitardy. Bul aqsha buryn "Spýtnik V" vaktsinasynyń paidalanylmaǵan dozalary úshin bólingen, - dep habarlaidy Dalanews.kz.
Bul týraly Antikordyń resmi ókili Daniiar Biǵaidarov brifing barysynda habarlady.
Antikor málimetinshe, 2021 jyly zaýyt «Spýtnik V» vaktsinasynyń ekinshi komponentinen 22 myń dozasyn satyp alǵan. Alaida shyn máninde ekinshi komponent satyp alynbaǵan, sondyqtan turǵyndarǵa da ekpe salynbaǵan. Antikordyń usynysy boiynsha zaýyt negizsiz qoldanylǵan aqshany biýdjet esebine qaitarǵan.
"Ol Qaraǵandydaǵy zaýyt. Kimge tiesili ekenin aita almaimyn, ókinishke qarai ondai aqparat joq. Olar «Spýtnik V» vaktsinasynyń ekinshi komponenti «Gam-Kovid-Vakty» satyp alǵan. Al birinshi komponent satyp alynbaǵandyqtan ekinshisi adamdarǵa salynbaǵan. 105 million qaitadan memleketke qaitaryldy", - deidi Biǵaidarov.
Aita keteiik, Qaraǵandy farmatsevtikalyq kesheni "Almaly" holdinginiń quramyna kiredi. Kompaniianyń quryltaishysy - Qairat Boranbaev.
Eske salaiyq, Májilis depýtaty Murat Ábenov kásipker Qairat Boranbaevty Paralimpiada komitetiniń basshylyǵynan shettetýdi talap etken bolatyn.
Onyń pikirinshe, sottalǵan adamnyń prezident janynda qoǵamdyq sharalarǵa qatysýy durys emes.
“Biýdjet qarajatyn urlap, jaýapqa tartylǵan adamnyń paralimpiada sportyna jetekshilik etýi qanshalyqty oryndy? El namysyn qorǵaityn uiym qarjy jymqyrǵan adamǵa senim arta ala ma?” – dep málimdedi Ábenov májilis otyrysynda.
Sport ministri Myrzabosynov bolsa, ministrlik Boranbaevtyń jumysyna qanaǵattanatynyn jetkizip, sońǵy jyldary paralimpiada sportynyń aitarlyqtai damyp kele jatqanyn atap ótti. Onyń aitýynsha, uiymdy basqarý atqarý komitetiniń quzyrynda, al ministrlik tarapynan komitettiń qyzmetine eshqandai eskertý jasalmaǵan.
“Basshylyqtyń aýysýy komitettiń atqarýshy organy arqyly júzege asady. Búgingi kúni ministrlik tarapynan komitet jumysyna qatysty eshqandai shaǵym joq”, – dedi ministr.
2023 jyly Qairat Boranbaev asa iri mólsherde memleket qarajatyn urlady jáne qylmystyq kiristerdi zańdastyrdy degen kúdikpen ustaldy. Tergeý derekteri boiynsha, 2019 jyly ol óz ieligindegi "AziiaGaz Shonjy" JShS arqyly gaz jetkizý kezinde QazaqGaz ulttyq kompaniiasynyń qarajatyn jymqyrdy, keiinnen urlanǵan 14,5 mlrd teńge mólsherindegi qarajat zańdy kásipkerlik qyzmetten alynǵan qusap dividendterdi bólý jáne tóleý túrinde zańdastyrylǵan. "Tergeý barysynda keltirilgen zalal tolyq kólemde óteldi...", delingen QMA habarlamasynda. Agenttik zańsyz kirister esebinen satyp alynǵan sheteldik aktivterdi belgileý jáne buǵattaý jumystaryn júrgizip jatqany da aityldy.
Sot Qairat Boranbaevty alty jylǵa sottady. 2023 jyldyń qarashasynda kásipkerdiń bostandyqqa shyqqany belgili boldy: jazanyń ótelmegen bóligi bas bostandyǵyn shekteý túrine aýystyryldy.
Aita ketsek, Qairat Boranbaev munai ken ornyn, gaz taratý kompaniiasyn, servis salasyndaǵy kásiporyndy, qonaqúilerdi jáne saýda-oiyn-saýyq keshenderi, fitnes-ortalyqtar jelisi, keńse bólmeleri jáne basqa da aktivterin óz erkimen memleketke qaitardy. Atap aitqanda, bul "AziiaGaz Shonjy" JShS, Comfort Hotel Astana, FitNation fitnes-klýbtar jelisi, "QazTýrboRemont" zaýyty, "Almaly"saýda-oiyn-saýyq kesheni. Sonymen qatar, ol Bilim berý infraqurylymyn qoldaý qoryna 30 mlrd teńge aýdardy. Al memleketke ótken aktivter QR Qarjy ministrliginiń Memlekettik múlikter jáne jekeshelendirý komiteti qorynda saqtalady.
