قايرات بورانبايەۆپەن بايلانىستى قاراعاندىداعى فارماسيەۆتيكالىق زاۋىت بيۋدجەتكە 105 ميلليون تەڭگەنى قايتاردى. بۇل اقشا بۇرىن "سپۋتنيك V" ۆاكسيناسىنىڭ پايدالانىلماعان دوزالارى ءۇشىن بولىنگەن، - دەپ حابارلايدى Dalanews.kz.
بۇل تۋرالى انتيكوردىڭ رەسمي وكىلى دانيار بيعايداروۆ بريفينگ بارىسىندا حابارلادى.
انتيكور مالىمەتىنشە، 2021 جىلى زاۋىت «سپۋتنيك V» ۆاكسيناسىنىڭ ەكىنشى كومپونەنتىنەن 22 مىڭ دوزاسىن ساتىپ العان. الايدا شىن مانىندە ەكىنشى كومپونەنت ساتىپ الىنباعان، سوندىقتان تۇرعىندارعا دا ەكپە سالىنباعان. انتيكوردىڭ ۇسىنىسى بويىنشا زاۋىت نەگىزسىز قولدانىلعان اقشانى بيۋدجەت ەسەبىنە قايتارعان.
"ول قاراعاندىداعى زاۋىت. كىمگە تيەسىلى ەكەنىن ايتا المايمىن، وكىنىشكە قاراي ونداي اقپارات جوق. ولار «سپۋتنيك V» ۆاكسيناسىنىڭ ەكىنشى كومپونەنتى «گام-كوۆيد-ۆاكتى» ساتىپ العان. ال ءبىرىنشى كومپونەنت ساتىپ الىنباعاندىقتان ەكىنشىسى ادامدارعا سالىنباعان. 105 ميلليون قايتادان مەملەكەتكە قايتارىلدى"، - دەيدى بيعايداروۆ.
ايتا كەتەيىك، قاراعاندى فارماسيەۆتيكالىق كەشەنى "المالى" حولدينگىنىڭ قۇرامىنا كىرەدى. كومپانيانىڭ قۇرىلتايشىسى - قايرات بورانبايەۆ.
ەسكە سالايىق، ءماجىلىس دەپۋتاتى مۇرات ابەنوۆ كاسىپكەر قايرات بورانبايەۆتى پاراليمپيادا كوميتەتىنىڭ باسشىلىعىنان شەتتەتۋدى تالاپ ەتكەن بولاتىن.
ونىڭ پىكىرىنشە، سوتتالعان ادامنىڭ پرەزيدەنت جانىندا قوعامدىق شارالارعا قاتىسۋى دۇرىس ەمەس.
“بيۋدجەت قاراجاتىن ۇرلاپ، جاۋاپقا تارتىلعان ادامنىڭ پاراليمپيادا سپورتىنا جەتەكشىلىك ەتۋى قانشالىقتى ورىندى؟ ەل نامىسىن قورعايتىن ۇيىم قارجى جىمقىرعان ادامعا سەنىم ارتا الا ما؟” – دەپ مالىمدەدى ابەنوۆ ءماجىلىس وتىرىسىندا.
سپورت ءمينيسترى مىرزابوسىنوۆ بولسا، مينيسترلىك بورانبايەۆتىڭ جۇمىسىنا قاناعاتتاناتىنىن جەتكىزىپ، سوڭعى جىلدارى پاراليمپيادا سپورتىنىڭ ايتارلىقتاي دامىپ كەلە جاتقانىن اتاپ ءوتتى. ونىڭ ايتۋىنشا، ۇيىمدى باسقارۋ اتقارۋ كوميتەتىنىڭ قۇزىرىندا، ال مينيسترلىك تاراپىنان كوميتەتتىڭ قىزمەتىنە ەشقانداي ەسكەرتۋ جاسالماعان.
“باسشىلىقتىڭ اۋىسۋى كوميتەتتىڭ اتقارۋشى ورگانى ارقىلى جۇزەگە اسادى. بۇگىنگى كۇنى مينيسترلىك تاراپىنان كوميتەت جۇمىسىنا قاتىستى ەشقانداي شاعىم جوق”، – دەدى مينيستر.
2023 جىلى قايرات بورانبايەۆ اسا ءىرى مولشەردە مەملەكەت قاراجاتىن ۇرلادى جانە قىلمىستىق كىرىستەردى زاڭداستىردى دەگەن كۇدىكپەن ۇستالدى. تەرگەۋ دەرەكتەرى بويىنشا، 2019 جىلى ول ءوز يەلىگىندەگى "ازياگاز شونجى" ج ش س ارقىلى گاز جەتكىزۋ كەزىندە QazaqGaz ۇلتتىق كومپانياسىنىڭ قاراجاتىن جىمقىردى، كەيىننەن ۇرلانعان 14،5 ملرد تەڭگە مولشەرىندەگى قاراجات زاڭدى كاسىپكەرلىك قىزمەتتەن الىنعان قۇساپ ديۆيدەندتەردى ءبولۋ جانە تولەۋ تۇرىندە زاڭداستىرىلعان. "تەرگەۋ بارىسىندا كەلتىرىلگەن زالال تولىق كولەمدە وتەلدى..."، دەلىنگەن قما حابارلاماسىندا. اگەنتتىك زاڭسىز كىرىستەر ەسەبىنەن ساتىپ الىنعان شەتەلدىك اكتيۆتەردى بەلگىلەۋ جانە بۇعاتتاۋ جۇمىستارىن جۇرگىزىپ جاتقانى دا ايتىلدى.
سوت قايرات بورانبايەۆتى التى جىلعا سوتتادى. 2023 جىلدىڭ قاراشاسىندا كاسىپكەردىڭ بوستاندىققا شىققانى بەلگىلى بولدى: جازانىڭ وتەلمەگەن بولىگى باس بوستاندىعىن شەكتەۋ تۇرىنە اۋىستىرىلدى.
ايتا كەتسەك، قايرات بورانبايەۆ مۇناي كەن ورنىن، گاز تاراتۋ كومپانياسىن، سەرۆيس سالاسىنداعى كاسىپورىندى، قوناقۇيلەردى جانە ساۋدا-ويىن-ساۋىق كەشەندەرى، فيتنەس-ورتالىقتار جەلىسى، كەڭسە بولمەلەرى جانە باسقا دا اكتيۆتەرىن ءوز ەركىمەن مەملەكەتكە قايتاردى. اتاپ ايتقاندا، بۇل "ازياگاز شونجى" ج ش س، Comfort Hotel Astana، FitNation فيتنەس-كلۋبتار جەلىسى، "قازتۋربورەمونت" زاۋىتى، "المالى"ساۋدا-ويىن-ساۋىق كەشەنى. سونىمەن قاتار، ول ءبىلىم بەرۋ ينفراقۇرىلىمىن قولداۋ قورىنا 30 ملرد تەڭگە اۋداردى. ال مەملەكەتكە وتكەن اكتيۆتەر ق ر قارجى مينيسترلىگىنىڭ مەملەكەتتىك مۇلىكتەر جانە جەكەشەلەندىرۋ كوميتەتى قورىندا ساقتالادى.
