Qairat Boranbaevqa 679 million teńge qaitarylady. Qazaqstandyq kásipker apelliatsiialyq sotta jeńiske jetti, - dep habarlaidy Dalanews.kz.
Sot kabinetindegi materialdarǵa sáikes, 2021 jyly Boranbaev Astana qalasynda jeke turǵyn úi qurylysyn salýǵa merdiger uiymmen shart jasasqan. Alaida, jaýapker shart talaptaryn buzǵan.
Boranbaev ol úshin birneshe argýment keltirgen: jumys sapasynyń tómendigi, kesteden keshigýi, shuǵyl uiymdastyrýshylyq-tehnikalyq sharalardy qabyldaý qajettigi týraly birneshe ret jiberilgen habarlamalarǵa qatysty jaýapkerdiń áreketsizdigi.
Merdiger qarsy talap qoiyp, oryndalǵan jumysty jaramsyz dep tanýdy, Boranbaevqa 73,9 myń eýro kóleminde taýarlyq-materialdyq qundylyqtardy qabyldaýdy jáne shamdarǵa aqy tóleýdi mindetteýdi surady.
Nátijesinde sot merdigerden 679 mln teńgeni jáne 6 793 414 teńge memlekettik baj salyǵyn tóleýge ketken shyǵyndy óndirý týraly sheshim qabyldady. Kompaniianyń shaǵymy qanaǵattandyrýsyz qaldyryldy.
