«Turkistan Zaman» aqparattyq agenttigi bolǵan jaittyń mán-jaiyn anyqtaý maqsatynda uiymdastyrýshylardyń baspasóz qyzmetine habarlasqan bolatyn.
«QR XI jazǵy ýniversiadasynyń resmi ashylý saltanaty Túrkistan qalasyndaǵy Túrkistan Arena stadionynynda ótkizilgen bolatyn» dep habarlaidy Qoja Ahmet Iasaýi atyndaǵy Halyqaralyq qazaq-túrik ýniversitetiniń baspasóz qyzmeti.
Baspasóz qyzmetiniń málimetinshe, atalǵan sharada QR Memlekettik Týyn alyp júrgen tulǵalar kásibi áskeri qyzmetker emes, stýdentter eken. Sondai-aq saptyq adymmen júrý kezinde qatty jeldiń saldarynan «áskeri paradtyń» júrisi birkelki bolmaǵan.
Atap óteiik, Túrkistan qalasynda sońǵy 3-4 táýlik qatty jel soǵyp tur. Stsenarii boiynsha uzaqtyǵy 150 metrdei saptyq júrý kezinde, jeldiń óte qatty turýyna bailanysty stýdentter áskeri júristiń tártibin buzýǵa májbúr bolǵan.
Al QR Qorǵanys ministrliginiń baspasóz qyzmeti Qarýly Kúshterge, basqa da áskerler men áskeri quralymdarǵa qatysy joq adamdarǵa arnaiy belgileri bar áskeri nysandy kiimdi kiiýge qoldanystaǵy zańnamada jol berilmeitinin atap ótti.
