Qazaqstanda pandemiia bastalǵannan beri naýqastardyń 87% -y aýrýynan saýyǵyp ketti. Ministrlik matritsaǵa sáikes, kúndelikti monitoring júrgizedi. Aqmola, Pavlodar, Qostanai oblystarynda jaǵdaiǵa tiisti baqylaý júrgizilip jatqan joq. Osyǵan bailanysty is-sharalardyń oryndalýyn baqylaýdy qamtamasyz etý qajet. Jeltoqsanda qarasha aiymen salystyrǵanda aýrýshańdyqtyń joǵarylaýy baiqalady. Qańtarda aýrýdyń ósimi Shyǵys Qazaqstannan basqa barlyq oblystarda baiqalady, - dedi ol.
Eki aiǵa jetetin qor, 10 million betperde bar, KVI-diń qanat jaiýyn eskere otyryp, halyqtyń meditsinalyq kómekke qoljetimdiligin qamtamasyz etý boiynsha sharalar qabyldandy.
Vaktsinatsiia 1 aqpanda bastalady dep josparlanýda. Jyl sońyna deiin 6 million qazaqstandyq vaktsinatsiiadan ótedi dep kútiledi. Qazirgi ýaqytta vaktsinatsiiaǵa daiyndyq aiaqtalý shebinde. Júieli esepke alý maqsatynda vaktsinatsiianyń elektrondyq tólqujaty jasaldy, oǵan aqparatty ózdiginen (qolmen) engizýge de bolady. Aǵymdaǵy sharalardy saqtai otyryp, 2021 jyldyń sońyna deiin epidemiologiialyq jaǵdaidyń damýy týraly boljam jasaldy. Indettiń sharyqtaý shegi naýryz aiynyń sońyna kelýi múmkin. pessimistik stsenarii boiynsha táýligine 3 myńǵa deiin jaǵdai tirkeledi dep kútiledi, aýrýhanaǵa naýqastardyń tolý deńgeiine kelsek, 24 myń tósek-oryn qamtylýy múmkin. Pessimistik stsenarii boiynsha, kúnine tirkelgen naýqastar sany 9 myńǵa jetýi múmkin. Ondaida 45 myń tósek-oryn qamtylýy múmkin. Ondai jaǵdaida aýrýhanalarǵa shamadan tys salmaq túsirmes úshin jalpy elimiz boiynsha qatań karantin rejimi engizilýi ábden múmkin. Boljamdy esepke sáikes, birinshi jartyjyldyqta vaktsinatsiiadan ótken 2 million adam KVI boiynsha tirkelgen jaǵdaidy 40 myńǵa deiin azaitýǵa kómektesedi, - dedi Tsoi.
